Muuya wakusaluula tufwambaani pe kuzwa mumoyo. Mbuli bulwazi mbubutola chiindi kuti buzwe, muuya wakusaluula uyanda kuti tubeleke changuzu kuti umane. Niinzi nzweelede kuchita kuti ugwisye muuya wakusaluula mumoyo wako?

“Amulisamike luyando, nkaambo ncecaanzyo calukamantano cilondokede.”—BAKOLOSE 3:14.

Zyaambaanzi? Kuchitila bamwi zintu zibotu kupa kuti mumvwanane. Kutondeezya bamwi luyando kupa kuti utabasaluuli. Alubo kuti kuyanda bamwi, tukoobazonda pe.

Yeeya zintu nzukonzya kuchita zitondeezya kuti ulabayanda bantu bazwa mukabunga nkuyeeyela zintu zitali kabotu. Utalangilili kubachitila zintu zyiingi pe. Ulakonzya kuchita chimwi naakuti zimwi zyazintu zili aansi aawa:

• Muchitile zintu zili kabotu muntu wamusyobo ooyo kwiinda mukumujulila mulyango naakuti kumupa chuuno kuti mwagada aamwi.

• Yezya kwaambuula aabo nikuba kabatawaambuuli kabotu mulaka wako.

• Ba amoyo mulamfu kuti bachita zintu nzutamvwisisisyi.

• Bafwide luzyalo kuti baambuula mapenzi aabo.