Ngwani Loko Uli Kweendelezya Nyika?
Uyeeya kuti . . .
-
nguLeza na?
-
mbantu na?
-
nguSaatani na?
NZILYAAMBA BBAIBBELE
“Nyika yoonse ili mumaanza aamubi.”
‘Mwana aLeza wakayubunwidwa kuti ajaye milimu ya-Saatani.’
NCIZYAAMBA KULI NDUWE
Ulajana bupanduluzi bumvwisisika bwamapenzi aali munyika.
Akaambo kazeezi, ulabaa lusyomo lwakuti nyika yesu iyoocinca alimwi ikabote.
KUJANA TWAZISYOMA NA COONZYO NZILYAAMBA BBAIBBELE?
Iiyi, akaambo katwaambo tutatu:
-
Bweendelezi bwaSaatani buyoonyonyoonwa. Jehova ubambide kuyoobumaninsya bweendelezi bwaSaatani mbwalaabo kubantu. Leza usyomezya kuti “uyoonyonyoona . . . Diabulosi” alimwi akamaninsye bubi bwakeetwa aSaatani.
—baHebrayo 2:14, Busanduluzi bwa Nyika Mpya. -
Leza usalide Jesu Kilisito kuti akeendelezye nyika. Jesu usiyene kule loko amweendelezi wanyika ino, ooyo ulalunya alimwi uliyanda. Kujatikizya bwami bwaJesu, Leza usyomezya kuti: “Bacete (abatakwe nguzu) ulabafwida luzyalo . . . Ulanununa buumi bwabo kulupenzyo.”
—Intembauzyo 72:13, 14. -
Leza tabeji pe. IBbaibbele lilaamba antanganana kuti: ‘Tacikonzeki kuli Leza kubeja.’ (baHebrayo 6:18) Ikuti Jehova wasyomezya kucita cimwi cintu, kuli mbuli kuti wacicita kale. (Isaya 55:10, 11) “Eno mwami wenyika ino uyootandwa.”
—Johane 12:31.
NZYONGA ULAYEEYA
Nyika eeyi iyooba biyeni aakugwisigwa mweendelezi wayo?
Mubuzyo ooyu ulasandulwa muBbaibbele muli INTEMBAUZYO 37:10, 11 amuli CIYUBUNUZYO 21:3, 4.