MAY 9, 2024
RUSSIA

“Ndiŵanaŵaniya Ukongwa vo Vichitikengi Kunthazi”

JULANI

Pambula kuswera yapa, Khoti la Mutawuni ya Lesosibirsk lo le Muchigaŵa cha Krasnoyarsk liperekengi cheruzgu pa mulandu wa Mubali Andrey Shiyan. Loya waboma wechendakambi cheruzgu cho wakhumba kupaska mubali uyu.

Vakukwaskana ndi Munthu Uyu

Andrey Shiyan

Chaka cho Wakuwiya: 1969 (Ku Lesosibirsk, Muchigaŵa cha Krasnoyarsk)

Mbiri Yaki: Wagwiranga ntchitu yakutumiza katundu ndikuwonesesa kuti katundu wafika

Wakutolana ndi Inna mu 1992. Ŵe ndi mwana yumoza munthukazi

Inna, anyina ndipuso mzichi waki mumana ndiwu angwamba kusambira Bayibolu ndi Akaboni aku Yehova. Andrey wanguzomera kuluta kumaunganu ndipu wangukondwa

Inna wakubatizika mu 2001 ndipu Andrey mu 2002

Vo Wangumuka Wati Wafumbika

Kumbi ntchinthu wuli chakuwovyani kuti mulutirizgi kuja ndi chimangu cha mumtima?

Ndikukuwa ndi umoyu wakuwonga vo vikulembeka pa Aroma 15:13 po patiti: “Chiuta yo wapereka chilindizga, wakuzazeni ndi likondwa likulu kweniso chimangu chifukwa chakuti mutimuthemba, ndi chilatu chakuti muzaziki ndi chilindizga kuziya mu nthazi ya mzimu wakupaturika.” Kuŵanaŵaniya za chilindizga cho ndenachu ndiku kwandiwovya. Asani ndayamba kufipa mtima pamwenga kuja ndi maŵanaŵanu nditijiyeruzgiya kuti ndemucharu chifya. Kujiyeruzgiya kuti ndemucharu chifya kutindiwovya kuti ndilekengi kufipa ukongwa mtima chifukwa cha vo vichitika. Venivi vitindipaska nthazi kweniso vitindiwovya kuti ndiŵanaŵaniyengi ukongwa vo tosi tilindizga kunthazi.

Mwakuyanana ndi Andrey, tipembuzgika kweniso tija ndi nthazi chifukwa cha malayizgu ngaku Yehova ndikuzomereza kuti ‘mazu ngaki ntchilindizga chidu.’—Masalimo 119:114.

Nyengu Kweniso vo Vinguchitika

Pa 25 November 2021

Angufufuza munyumba yaki
Pa 11 April 2023

Angufufuza so nyumba yaki. Mulandu waki ungwamba. Ndipuso angumukaniza kuluta kumalu nganyaki
Pa 29 December 2023

Angwamba kumumba mulandu

NKHANI