MARCH 21, 2024 | MO VILIRI PASONU PANU: APRIL 12, 2024
RUSSIA

MO VILIRI PASONU PANU—MZICHI AKUMUSANIYA NDI MULANDU | “Yehova Wazakutijowopu Cha”

JULANI

Pa, 12 April 2024 Khoti la Muchigaŵa cha Tsentralniy Prokopyevsk ku Kemerovo likuyeruzga kuti Mzichi Yelena Chernykh wangapalamulanga mulandu wewosi cha kwa vyaka vitatu. Iyu walutengi kujeri cha pa nyengu iyi.

Vakukwaskana ndi Munthu Uyu

Yelena Chernykh

Chaka cho Wakuwiya: 1976 (Prokopyevsk)

Mbiri Yaki: Wati wasambira Bayibolu ndi Akaboni aku Yehova, wanguja pa ubwezi wakukho ukongwa ndi Chiuta. Iyu wakubatizika mu 1998

Wakutorana ndi Yuriy mu 2006. Mu September 2023 angumumba mulandu ndi kumuyeruzga kuti wakagwirengi ntchitu mwakuchichizgika kwa vyaka vitatu. Yiwu ŵe ndi ŵana atatu anthulumi

Vo Wangumuka Wati Wafumbika

Kumbi ntchinthu wuli cho chitikuwovyani kuti mukondwengi po mulutirizga kukunthiyapu?

Ndikondwa chifukwa chivwanu changu chilutirizga kuja chakukho mwakupemphera, kuŵerenga Bayibolu ndipuso kovya ŵanthu anyaki. Vinthu venivi vandiwovya kuti ndilekengi kuguŵa ukongwa. Ndiwonga so ukongwa Yehova chifukwa nyengu zosi wamuka mapempheru ngangu ndipu watindipaska nthazi kweniso chiganga vo ndikhumbikiya kuti ndivikiliyi zina laki mukhoti. Ndiwonga so ukongwa abali ndi azichi ŵangu akwanjiwa wo aphwere banja lidu, atitipemphere kweniso atitipaska vinthu vo tikhumbikiya. Yehova wazakutijowopu cha. Po ndilimbana ndi chiyesu ichi, ndiwonga ukongwa Yehova nyengu zosi chifukwa waja nani pafupi ndipu watindiko ndi janja laki.

Tipembuzgika ukongwa kuziŵa kuti Yehova ‘wasintha cha’ kweni walutirizgengi kutipaska “mphasu yeyosi yamampha ndipuso yakufikapu” kuti yitiwovyi kukunthiyapu chinanga masuzgu ngangajumpha msinkhu widu.—Yakobe 1:17.

Nyengu Kweniso vo Vinguchitika

Pa 12 July 2020

Angufufuza munyumba yawu. Wosi ŵaŵi Yelena ndi Yuriy angufumbika mafumbu
Pa 25 May 2023

Angumujuliya mulandu
Pa 15 August 2023

Angumukaniza kuluta kumalu nganyaki
Pa 9 October 2023

Atamba kumumba mulandu

NKHANI