Kwambiya pa 28 April, 2024, mu chigaŵa cha Rio Grande do Sul kumwera kwa Brazil kwaja kuchiwa chivuwa chanthazi. Vuwa yambula kuleka luŵi yeniyi, yachitisa maji kusapaliya ukongwa. Venivi vachitisa kuti mabuliji kweniso misewu yakupambanapambana yinangiki ndipu penga pakusuzga kuti munthu wathaŵi. Viwoneka kuti ŵanthu akujumpha 2.1 miliyoni akukwaskika. Pasonu panu, ŵanthu akujumpha 125 awoneka cha ndipu anyaki pafufupi 147 akufwa.

• Vakupasa chitima kuti mubali yimoza kweniso mzichi yimoza wo mbakukota kweniso ndi banja akufwa

• Abali ndi Azichi 1,544 akusama

• Nyumba ziŵi zikunangikiya limu

• Nyumba 155 zikunangika ukongwa

• Nyumba 483 zikunangika kamanavi

• Nyumba za Ufumu zitatu zikunangika ukongwa

• Nyumba za Ufumu 10 zikunangika kamanavi

• Komiti Yakovya pa Masoka yilongozga pa kupereka chovyu cho abali ŵidu wo akwaskika akhumbika. Abali amukomiti yeniyi aluta kuvigaŵa vo maji ngakusapaliya kuti akapereki chovyu kweniso kuchiŵachiska ndi fundu za mu Bayibolu

• Akuwonere madera ndipuso Ŵara atiŵachiska ndi fundu za mu Bayibolu kweniso kuŵapasa chovyu wo akwasika ndi chivuwa chanthazi chenichi

• Mabanja nga Akaboni ngo nge kuvigaŵa vo maji ngakusapaliya ngakufikaku cha atiŵapasa malu ngakuja abali ndi azichi wo asoŵa pakuja chifukwa cha maji ngakusapaliya

Po maji ngakusapaliya kweniso vinthu vilutiliza kunangika, tipemphere abali ndi azichi ŵidu ku Brazil kuti Yehova walutilizgi kuŵa ‘mpanda wawu wakukho pa nyengu ya suzgu yeniyi’.—Masalimo 37:39.