Kumbi Ndiyani yo Walamuliya Charu?
Kumbi muwona kuti ndi . . .
-
Chiuta?
-
ŵanthu
-
munthu munyaki?
VO BAYIBOLU LIKAMBA
“Charu chosi che mu nthazi ya muheni yo.”—1 Yohane 5:19.
“Mwana waku Chiuta wanguwoneke kuti wanangi ntchitu zaku Dyaboli.”—1 Yohane 3:8, Bayibolu la Charu Chifya.
KUMBI VENIVI VING’ANAMUWANJI KWAKU YIMWI?
Muziŵengi cho chichitiska masuzgu pacharu chapasi.—Chivumbuzi 12:12.
Mujengi ndi chigomezgu chakuti vinthu viŵengi umampha pacharu chapasi.—1 Yohane 2:17.
KUMBI TITENERE KUGOMEZGA VO BAYIBOLU LIKAMBA?
Hinya. Pe vifukwa vitatu vo titenere kuchitiya viyo:
-
Yehova ngwakukhumbisiska kutuzgapu ulamuliru waku Satana. Iyu wakulayizga kuti ‘wanangengi Dyaboli’ ndi kunozga vinthu vosi vo wananga.—Aheberi 2:14, Bayibolu la Charu Chifya.
-
Yesu wapambana ukongwa ndi Satana yo walamuliya ŵanthu mwankhaza kweniso mwambunu. Pakukamba va ulamuliru waku Yesu, Chiuta wakulayizga kuti: “Iyu wazamuchitiya chitima ŵanthu akusika ndi akavu . . . Wazakuŵataska ku ŵanthu ankhaza kweniso achiwawa.”—Salimo 72:13, 14.
-
Bayibolu likamba mwakuvwika umampha kuti: “Chiuta wangapusika cha.” (Aheberi 6:18) Asani Yehova walayizga kuti wachitengi chinthu chinyaki, vija nge kuti wachita kali! (Yesaya 55:10, 11) “Yo walamuliya charu ichi waponyekengi kubwalu.”—Yohane 12:31.
ŴANAŴANIYANI FUNDU IYI
Kumbi vinthu vazamuja wuli pacharu asani Satana wazituzgikapu?
Bayibolu limuka fumbu ili pa SALIMO 37:10, 11 ndi CHIVUMBUZI 21:3, 4.
Mungayanja Kuŵerenga so Nkhani Izi
CHIGONGWI CHA MLINDA
Nchifukwa Wuli Nkhwakusuzga Kuzisa Chimangu Pacharu Chapasi?
chinanga kuti ŵanthu anandi atesesa, atondeka kuzisa chimangu pacharu chapasi. Ziŵani chifukwa chaki.
ESSENTIAL BIBLE TEACHINGS
Ntchifukwa Wuli Chiuta Wazomerezga Kuti Tisuzgikengi?
Ŵanthu anandi afumba chifukwa cho pacharu chapasi pe masuzgu nganandi viyo. Bayibolu lititiwovya kuti tisaniyi kwamuka kwa kukhorwesa pa nkhani iyi.
MAFUMBU NGO BAYIBOLU LIMUKA
Kumbi Dyaboli Waliku Nadi?
Kumbi Dyaboli ndi maŵanaŵanu pamwenga uheni wo we mu mumtima mwa munthu, pamwenga ndi mungelu wakuti waliku nadi?
VAKUKWASKANA NDI ISI
Ntchifukwa Wuli Tikhumbika Kusambira Bayibolu?—Vidiyo Yosi
Bayibolu limuka mafumbu nga ŵanthu mamiliyoni nganandi pacharu chosi ngakukwaskana ndi umoyu. Kumbi mungayanja kuja mu gulu la ŵanthu ŵenaŵa?
VAKUKWASKANA NDI ISI
Pemphani Kuti Musambirengi Bayibolu
Kambiskanani fumbu la mu Bayibolu pamwenga ziŵani vinandi vakukwaskana ndi Akaboni aku Yehova.
