Sambirani Nkhani za m’Bayibolu
Buku ili likukonkhosiyeningi nyengu yo Chiuta wangwamba kulenge vinthu, kuwa kwaku Yesu ndi uteŵeti waki kweniso kuza kwa Ufumu.
Kalata Yakutuwa ku Wupu Wakulongozga
Kumbi mungaligwirisiya wuli ntchitu buku ili?
SAMBIRU 1
Chiuta Wakupanga Kuchanya ndi Charu Chapasi
Bayibolu likamba kuti Chiuta wakulenga kuchanya ndi charu chapasi. Kumbi utimuziŵa yo Yehova wangwamba kupanga, wechendapangi vinthu vinyaki vosi?
SAMBIRU 2
Chiuta Wangupanga Munthurumi ndi Munthukazi Akwamba
Chiuta wangupanga munthurumi ndi munthukazi akwamba ndipu wanguŵaŵika mumunda wa Edene. Iyu wakhumbanga kuti aje ndi ŵana ndipu apangi charu chosi kuja paradayisu.
SAMBIRU 3
Adamu ndi Eva Anguvwiya Chiuta Cha
Kumbi chimiti chenichi chenga chakukhumbika wuli mumunda wa Edene? Ntchifukwa wuli Eva wangurya chipasu cha muchimiti chenichi?
SAMBIRU 4
Wangubaya Muvurwa Waki Chifukwa Chakukwiya
Chiuta wangulonde sembi yaku Abelu kweni yaku Kaini cha. Kaini wati waziŵa, wangukwiya ukongwa ndipu wanguchita chinthu chiheni ukongwa.
SAMBIRU 5
Nowa Wangukhoma Chingaraŵa
Angelu aheni ŵati ato anthukazi pacharu chapasi, ŵenga ndi ŵana anthazi ndipuso andewu. Viwawa venga peposi. Nowa wapambananga ndi ŵanthu wosi, iyu wayanjanga Chiuta kweniso wamuvwiyanga.
SAMBIRU 6
Ŵanthu 8 Angutaskika
Vuwa yinguwa kwa mazuŵa 40 usiku ndi musana. Nowa ndi banja laki anguja muchingaraŵa kujumpha chaka chimoza. Pakumaliya, angutuwa muchingaraŵa.
SAMBIRU 7
Chinyumba Chitali Cha ku Babele
Ŵanthu anyaki anguŵanaŵana kuti azengi tawuni ndipu azengemu chinyumba chitali chikafiki kuchanya. Ntchifukwa wuli Chiuta wanguchitisa kuti mwamabuchibuchi ŵanthu ŵenaŵa ayambi kulongoro vineneru vakupambana?
SAMBIRU 8
Abrahamu ndi Sara Anguvwiya Chiuta
Ntchifukwa wuli Abrahamu ndi Sara angusiya nyumba yawu mutawuni ya Uru ndi kuchija umoyu wakusamasama mucharu cha Kanani?
SAMBIRU 9
Pavuli Paki Angubala Mwana!
Kumbi Chiuta watingi wafiskengi wuli layizgu laki kwaku Abrahamu? Kumbi ndi mwana nuyu waku Abrahamu yo Chiuta wangugwilisiya ntchitu pakufiska layizgu lenili—Yisaki pamwenga Yishumaele?
SAMBIRU 10
Kumbukani Muwolu Waku Loti
Chiuta wanguchitisa kuti motu ndi sulufule vituwi kuchanya ndi kuwiya pa Sodomu ndi Gomora. Ntchifukwa wuli misumba iyi yingubwangandulika? Ntchifukwa wuli titenere kukumbuka muwolu waku Loti?
SAMBIRU 11
Abrahamu Wanguyeseka
Chiuta wangukambiya Abrahamu kuti: ‘Uto mwana waku yumoza pe munthurumi, uluti kuphiri mucharu cha Moriya ndipu ukamupereki sembi.’ Kumbi Abrahamu wanguchita wuli Chiuta wati wamukambiya viyo?
SAMBIRU 12
Yakobe Wangulonde Chihara
Yisaki ndi Rebeka ŵe ndi ŵana amuwoli, Esau ndi Yakobe. Chifukwa chakuti Esau ndiyu wangwamba kuwa, ndiyu watingi walondiyengi chihara chapade. Ntchifukwa wuli wangusinthisa ndi mbali yimoza ya chiperi?
SAMBIRU 13
Yakobe ndi Esau Anguyanjana so
Ntchifukwa wuli Yakobe wangulimbana ndi mungelu ndikulonde vitumbiku? Kumbi Yakobe wanguchita wuli kuti wayanjani so ndi Esau?
SAMBIRU 14
Kapolu Yo Wanguvwiya Chiuta
Chinanga kuti Yosefe wachitanga vamampha, kweni wangukumana ndi masuzgu. Chifukwa wuli?
SAMBIRU 15
Yehova Wangumuluwa Cha Yosefe
Chinanga kuti Yosefe wenga kutali ndi abapi ndipuso abali ŵaki, kweni Chiuta wangulongo kuti wenga nayu.
SAMBIRU 17
Mozesi Wangusankha Kusopa Yehova
Pa nyengu yo Mozesi wenga bonda, wangutaskika chifukwa cha zeru za anyina.
SAMBIRU 19
Milili Yitatu Yakwamba
Farawo wanguchitisa kuti ŵanthu ŵaki asuzgiki chifukwa cha kujikuzga kwaki. Iyu wakananga kuchita chinthu chipusu ukongwa.
SAMBIRU 21
Mulili wa Nambala 10
Mulili uwu unguŵamala nthazi ukongwa Aegipiti mwakuti chinanga ndi Farawo yo wenga wakujikuzga wanguthera.
SAMBIRU 22
Chakuziziswa cho Chinguchitika pa Nyanja Yiyera
Farawo wangupona milili 10, kweni kumbi wangupona chakuziziswa ichi cho Chiuta wanguchita?
SAMBIRU 23
Ayisraele Angulayizga Yehova
Ayisraele angulayizga Chiuta pa nyengu yo ŵenga paphiri la Sinai.
SAMBIRU 24
Ayisraele Anguleka Kuchita vo Angulayizga
Pa nyengu yo Mozesi wanguluta kuchilonda Marangu 10, Ayisraele anguchita uheni ukulu ukongwa.
SAMBIRU 26
Anthurumi 12 Angutumika Kuchiwona Charu cha Kanani
Yoswa ndi Kalebe ŵenga akupambana ndi anthurumi anyaki 10 anguluta kuchiwona charu cha Kanandi.
SAMBIRU 27
Angugalukiya Yehova
Kora, Datani, Abiramu ndi anthurumi anyaki 250 angutondeka kuziŵa fundu yinyaki yakuzirwa yakukwaskana ndi Yehova.
SAMBIRU 30
Rahabi Wangubisa Ŵanthu wo Angutumika
Mpanda wa Yeriko unguwa. Kweni nyumba yaku Rahabi yinguwa cha, chinanga kuti yingukumatizana ndi mpanda.
SAMBIRU 31
Yoswa ndi Agibeoni
Yoswa wnguromba kwaku Yehova kuti: “Lumwi ima!” Kumbi Chiuta wangumumuka?
SAMBIRU 32
Mulongozgi Wasonu ndi Anthukazi Ŵaŵi Ambula Mantha
Yoswa wati wafwa Ayisraele angwamba kusopa achiuta aboza. Yiwu angwamba kusuzgika kweni Yehova wanguŵawovya kuziya mwaku Balaki, Debora muchimi munthukazi ndi Jaelu yo wangugwirisiya ntchitu chisulu chakukhome hema!
SAMBIRU 33
Ruti ndi Naomi
Anthukazi ŵaŵi wo arumu ŵawu akutayika anguwere ku Yisraele. Ruti, yimoza mwa anthukazi yaŵa, wanguluta kuchipenja vakurya mumunda kweniko Boazi wangumuwone.
SAMBIRU 34
Gideoni Wanguthereska Amidiyani
Amidiyani ŵati aŵasuzga, Ayisraele anguromba kwaku Yehova kuti waŵawovyi. Kumbi asilikali amanavi aku Gideoni anguchita wuli kuti athereski asilikali 135,000?
SAMBIRU 35
Hana Warombanga Kuti Chiuta Wamupasi Mwana Munthurumi
Elkana wanguluta ndi Hana, Penina, ndi ŵana ku chihema ku Shilo kuti akasopi. Ŵati afika, Hana wanguromba kuti Chiuta wamupasi mwana munthurumi. Pati pajumpha chaka, wangubala Samuele!
SAMBIRU 36
Layizgu Laku Jefta
Kumbi Jefta wangulayizganji, nanga ntchifukwa wuli? Kumbi mwana waku Jefta wanguchita wuli wati wavwa vo awisi angulayizga?
SAMBIRU 37
Yehova Wangulongoro ndi Samuele
Ŵana ŵaŵi a wasembi mura Eli ateŵetiyanga nge asembi pa chihema, kweni avwiyanga cha marangu ngaku Chiuta. Kweni Samuele wavwiyanga ndipu Yehova wangulongoro nayu.
SAMBIRU 38
Yehova Wangupasa Nthazi Samsoni
Yehova wangupasa nthazi Samsoni kuti warwi nkhondu ndi Afilisti, kweni chifukwa chakuti wanguchita vinthu mwambula zeru, Afilisti angumuko.
SAMBIRU 39
Fumu Yakwamba ya Ayisraele
Chiuta wanguŵapasa akuyeruzga Ayisraele kuti aŵalongozgengi, kweni yiwu angupempha fumu. Samuele wangusankha Sauli kuti ndiyu waje fumu yakwamba, kweni pati pajumpha nyengu Yehova wangumukana Sauli. Chifukwa wuli?
SAMBIRU 40
Davidi ndi Goliati
Yehova wangusankha Davidi kuti wazije fumu ya Ayisraele. Davidi wangulongo kuti wenga munthu wamampha.
SAMBIRU 41
Davidi ndi Sauli
Ntchifukwa wuli yumoza mwa ŵanthu ŵenaŵa watinkhanga munyaki, nanga yo watinkhikanga wachitanga wuli?
SAMBIRU 42
Jonafani Wenga Wambula Mantha Kweniso Wakugomezeka
Mwana wa fumu wanguja bwezi lamampha laku Davidi.
SAMBIRU 44
Nyumba Yakusopiyamu Yehova
Chiuta wanguzomereza vo Fumu Solomoni yingupempha ndipu wangumupasa udindu ukulu.
SAMBIRU 46
Yehova Wangulongo Kuti Ndi Chiuta Wauneneska
Kumbi Chiuta wauneneska ndi yani? Yehova pamwenga Bala?
SAMBIRU 49
Fumukazi Yiheni Yingulangika
Yezebelu wanguchita chiŵembu ndipu wangubaya Naboti kuti wabi munda waki! Yehova wanguwona vinthu viheni vo Yezebelu wanguchita.
SAMBIRU 50
Yehova Wanguvikiliya Yehosafati
Yehosafati yo wenga Fumu yamampha wanguromba kwaku Chiuta pa nyengu yo Ayuda awofyezekanga ndi mitundu yinyaki yo yatinkhananga nawu.
SAMBIRU 51
Msilikali Kweniso Kamsungwana
Kamsungwana ka Chiyisraele kakambiya muwolu waku Namani kuti Yehova ngwanthazi ndipu wachita vinthu vakuziziswa
SAMBIRU 52
Chigulu Chakofya cha Angelu aku Yehova
Ntchinthu wuli cho chinguwovya muteŵeti waku Elisha kuziŵa kuti iyu ndi Elisha ‘ŵenga ndi anandi kuluska wo ŵenga ndi arwani wawu.’
SAMBIRU 54
Yehova Wanguzikira ndi Yona
Ntchinthu wuli cho chinguchitika kuti chisomba chimezi muteŵeti waku Chiuta munyaki? Nanga wangutuwamu wuli mumoyu mwa chisomba? Kumbi Yehova wangumusambizanji Yona?
SAMBIRU 55
Mungelu Waku Yehova Wanguvikiliya Hezekiya
Arwani ŵa Ayuda akambanga kuti Yehova wangaŵavikiliya cha ŵanthu ŵaki kweni yiwu apusikanga!
SAMBIRU 56
Josiya Wayanjanga Marangu Ngaku Chiuta
Josiya wanguja fumu we ndi vyaka 8 ndipu wanguwovya ŵanthu wo waŵalamuliyanga kuti asopengi Yehova.
SAMBIRU 57
Yehova Wangutuma Yeremiya Kuti Wakapharazgi
Vo Yeremiya wangukamba vinguchitisa kuti arara a Yuda akwiyi ukongwa.
SAMBIRU 58
Yerusalemu Wangubwangandulika
Ŵanthu a ku Yuda angulutiriza kusopa achiuta aboza ndipu Yehova wanguleka kuŵayanja.
SAMBIRU 59
Anyamata Anayi Wo Anguvwiya Yehova
Anyamata aku Yuda anguyesesa kulutiriza kuja akugomezeka kwaku Yehova. Yiwu anguchita so venivi chinanga ndi munyumba ya chifumu yaku Nebukadanezara ku Babiloni.
SAMBIRU 60
Ufumu Wo Wazamuja kwa Muyaya
Danyele wakonkhosa vinthu vakuziziswa vo Nebukadanezara wangulota.
SAMBIRU 61
Angukana Kugwada
Shadreke, Mesheke ndi Abedenego angukana kusopa chikozgu cho fumu yaku Babiloni yingupanga.
SAMBIRU 63
Pachimati Pangulembeka Mazu
Kumbi mpha nyengu niyi po mazu ngakuziziswa ngenanga ngangulembeka? Nanga ngang’anamuwanji?
SAMBIRU 64
Danyele Angumuponya Muzenji la Nkharamu
Murombengi kwaku Yehova zuŵa lelosi nge mo Danyele wachitiyanga!
SAMBIRU 65
Estere Wangutaska Ŵanthu a Mutundu Waki
Chinanga kuti wenga mulendu kweniso mulanda, wanguja fumukazi.
SAMBIRU 66
Ezra Wasambiza Marangu Ngaku Chiuta
Ayisraele ati avwisiya vo Ezra wanguŵerenga anguchita phanganu ndi Chiuta.
SAMBIRU 67
Mpanda wa Yerusalemu
Nehemiya wanguvwa kuti arwani ŵawu angunozga vakuti aŵayukiyi. Ntchifukwa wuli iyu wanguchita mantha cha?
SAMBIRU 68
Elizabeti we Ndi Mwana
Ntchifukwa wuli mungelu wangukambiya murumu waku Elizabeti kuti walongorongi cha mpaka po mwana wazamuwiya?
SAMBIRU 69
Gabriele Waluta Kwaku Mariya
Gabriele wangukambiya Mariya uthenga wo ungusintha umoyu waki.
SAMBIRU 70
Angelu Apharazga Kuwa Kwaku Yesu
Aliska a viŵetu wo anguvwa za kuwa kwaku Yesu anguchitapu kanthu nyengu yeniyo.
SAMBIRU 72
Yesu Weche Munamana
Ntchinthu wuli cho chinguchitisa kuti asambizi wo ŵenga munyumba yakusopiyamu azizwi ndi Yesu?
SAMBIRU 73
Yohane Wanozga Nthowa
Yohane Wati wakuwa wanguja mchimi. Wasambizanga ŵanthu kuti Mesiya watuza. Kumbi ŵanthu anguchita ndi uthenga waki?
SAMBIRU 74
Yesu Waja Mesiya
Yohane wang’anamuwanganji pakukamba kuti Yesu ndi Mwanawambereri waku Chiuta?
SAMBIRU 75
Dyaboli Watesa Yesu
Satana wangumuyesa katatu Yesu. Kumbi wangumuyesa kuti wachitenji? Kumbi Yesu wangumumukanji?
SAMBIRU 76
Yesu Watowesa Nyumba Yakusopiyamu
Ntchifukwa wuli Yesu wangudikisa viŵetu munyumba yakusopiyamu ndi kugudubuwa mathebulu nga akusintha ndalama?
SAMBIRU 77
Yesu Walongoro ndi Munthukazi pa Chisimi
Munthukazi wa ku Samariya wanguzizwa Yesu wati walongoro nayu pa chisimi chaku Yakobe. Chifukwa wuli? Kumbi Yesu wangumukambiya chinthu wuli cho wenga wechendakambiyepu munthu munyaki?
SAMBIRU 78
Yesu Wapharazga Uthenga wa Ufumu
Wangudana akusambira ŵaki anyaki kuti “aje alovi a ŵanthu.” Pavuli paki, wangusambiza so akusambira ŵaki 70 kupharazga uthenga wamampha.
SAMBIRU 79
Yesu Wachita Vakuziziswa Vinandi
Ŵanthu wo atamanga alondonga Yesu kwekosi ko walutanga kuti waŵachizgi. Iyu wanguyuska so msungwana yo wangufwa.
SAMBIRU 81
Upharazgi wa Paphiri
Ŵanthu wo anguwungana paphiri, Yesu wanguŵasambiza fundu zakukhumbika ukongwa.
SAMBIRU 82
Yesu Wangusambiza Akusambira Waki Kupemphera
Kumbi ndi vinthu nivi vo Yesu wangukambiya akusambira ŵaki kuti ‘alutirizi kupempha’?
SAMBIRU 83
Yesu Waryisa Ŵanthu Anandi
Kumbi chakuziziswa chenichi chititisambizanji zaku Yesu kweniso Yehova?
SAMBIRU 84
Yesu Wangwenda Pamaji
Kumbi uŵanaŵana kuti akutumika anguvwa wuli ŵati awona chakuziziswa chenichi?
SAMBIRU 85
Yesu Wachizganga Ŵanthu pa Sabata
Ntchifukwa wuli ŵanthu akondwanga cha ndi vo Yesu wachitanga?
SAMBIRU 86
Yesu Wanguyuska Lazaro
Yesu wati wawona kuti Mariya waliya, nayu wangwamba kuliya. Pavuli paki, kuliya kwawu kungusambuka likondwa.
SAMBIRU 87
Chakurya Chakumaliya Chamazulu Chaku Yesu
Yesu wapereka ulongozgi wakukhumbika kwa akutumika ŵaki pa nyengu ya chakurya chakumaliya chamazulu.
SAMBIRU 88
Yesu Wangumangika
Yuda Mkeriote wangulongozga chigulu cha ŵanthu cho chingupinga malipanga ndi nthonga ndipu chinguza mumunda wa Gesemane kuti chiziko Yesu.
SAMBIRU 89
Petro Wakana Yesu
Ntchinthu wuli cho chinguchitika munyumba yachifumu yaku kayafa? Ntchinthu wuli chinguchitika Yesu wati wasere munyumba yaku Kayafa?
SAMBIRU 95
Pengavi cho Chinguŵalekesa Kupharazga
Alongozgi a chisopa wo angubaya Yesu akhumbanga kulekeska akusambira kupharazga kweni angutondeka.
SAMBIRU 97
Kornelio Walonde Mzimu Utuŵa
Ntchifukwa wuli Chiuta wangutuma Petro kunyumba ya munthu yo wenga Myuda cha?
SAMBIRU 98
Chikhristu Chifika Muvyaru Vinandi
Wakutumika Paulo ndi anyaki wo wenga nawu pa ulendu waki wa umishonale atamba kupharazga mu vigaŵa vinyaki vakupharazga.
SAMBIRU 99
Mulonda Wajeri Wasambira Uneneska
Ntchifukwa wuli munkhani iyi mukambika za chiŵanda, chidilirisi ndi lupanga?
SAMBIRU 100
Paulo ndi Timote
Anthurumi ŵaŵi wo angugwiriya ntchitu limoza nge mabwezi kweniso wo anguteŵete limoza kwa vyaka vinandi.
SAMBIRU 101
Paulo Wangutumizika ku Roma
Wakutumika wangukumana ndi vinthu vinandi vakofya kweni wanguwere vuli cha.
SAMBIRU 102
Yohane Atimukambiya vo Vichitikengi Kunthazi
Yesu wangumukambiya vo vatingi vichitikengi kunthazi.
SAMBIRU 103
“Ufumu Winu Uzi”
Vo Yohane angumukambiya kuti vazamuchitika kunthazi, vilongo mo Ufumu waku Chiuta wazamusinthiya vinthu pacharu chapasi.
