Tiŵerenga ŵija wo apharazga mwakujalikisika uthenga wamampha wa Ufumu waku Chiuta. (Mateyu 24:14) Pa ŵanthu yaŵa, pe Akaboni akubatizika ndipuso wo ŵechendabatiziki kweni akuzomerezeka kuti apharazgengi.

 Awa. Kuti munthu waje Kaboni waku Yehova ndipuso kuti waje ndi maudindu mu gulu lidu, wakhumbika kupereka ndalama cha. (Machitidu 8:18-20) Ŵanthu alembeka mazina cha asani apereka ndalama. Kaboni weyosi wapereka nyengu yaki, nthazi zaki kweniso vinthu vo wenavu kuti wawovyi pa ntchitu yakupharazga yo yichitika pacharu chosi. Iyu wachita venivi mwakukhumba yija kweniso mwakukoliyana ndi mo vinthu viliri pa umoyu waki.​—2 Ŵakorinte 9:7.

 Mwezi wewosi, Kaboni waku Yehova weyosi wapereka ku mpingu waki lipoti la vo wachita pa ntchitu yakupharazga. Kweni wachichizgika cha kuti wapereki lipoti.

 Malipoti nga apharazgi wosi mumpingu ngaŵerangeka ndipu ngatumizgika ku ofesi ya mucharu cho mpingu wo wuli. Pavuli paki, ofesi yitumiza chiŵerengeru cha charu chawu ku likulu lidu la pacharu chosi.

 Kukumaliya kwa chaka cha uteŵeti, b abali aku likulu lidu agwirisiya ntchitu viŵerengeru venivi kuti aziŵi chiŵerengeru chakukwera ukongwa cha Akaboni aku Yehova pacharu chechosi. Viŵerengeru ivi ativisazga pamoza kuti aziŵi unandi wa Akaboni aku Yehova pacharu chosi. Lipoti la charu chechosi kweniso vo apharazgi akumana navu pakugwira ntchitu yakupharaza, vilembeka mu Buku Lapachaka la Mboni za Yehova. Malipoti yanga ngatitichiska ukongwa nge mo Akhristu akwambiriya nawu achiskikiyanga.​—Machitidu 2:41; 4:4; 15:3.

 Awa. Chinanga kuti ve viyo, titiŵalondere mbwenu pa maunganu ngidu. Anandi mwa ŵanthu yaŵa atanja kuza pa Chikumbusu cha Nyifwa Yaku Yesu. Kuti muziŵi ŵanthu wo awungana waka nasi pa Chikumbusu, mungawona chiŵerengeru cha ŵanthu wosi wo anguza pa mwambu uwu ndi kutuzgiyaku chiŵerengeru cha Akaboni aku Yehova. Mu 2023, ŵanthu wo angusanirikapu pa Chikumbusu ŵenga 20,461,767.

 Ŵanthu anandi wo aleka kuza ku maunganu ngidu ayanduwa ndi sambiru la Bayibolu lawezi. Mu 2023, pa avereji, mwezi wewosi tachitisanga masambiru nga Bayibolu ngakukwana 7,281,212. Nyengu zinyaki tasambiranga ndi ŵanthu anandi pa malu ngamoza.

 A mu dipatimenti ya boma wo achita kalembela, afumba waka munthu tchalitchi cho wali, kaya munthu yo walutaku pamwenga cha. Mwakuyeruzgiyapu, a mu dipatimenti iyi ku United States, angukamba kuti asani achita kalembela akhumba waka “kuziŵa asani munthu wasopa pamwenga cha.” Angukamba so kuti chiŵerengeru cho asaniya ntchakusimikizgika cha chifukwa ndi “maŵanaŵanu waka nga ŵanthu.” Mwakupambana ndi vo boma lichita, isi tiŵerenga munthu kuti ndi Kaboni waku Yehova asani wapharazga kweniso wapereka lipoti la vo wachita pa ntchitu yakupharazga. Kweni wo akamba waka kuti mbakaboni aku Yehova kwambula kuchita ivi titiŵaŵerenga cha.