Mga Awit 77:1-20
Sa direktor; sa Jedutun.* Awit ni Asap.+
77 Sa pamamagitan ng tinig ko ay tatawag ako sa Diyos;Tatawag ako sa Diyos, at pakikinggan niya ako.+
2 Sa araw ng pagdurusa ko ay hinahanap ko si Jehova.+
Sa gabi ay iniuunat ko ang mga kamay ko sa kaniya nang walang kapaguran.*
Pero hindi gumagaan ang pakiramdam ko.
3 Kapag inaalaala ko ang Diyos, naghihirap ang loob ko;+Nababahala ako at nanghihina.+ (Selah)
4 Hindi mo pinapipikit ang mga mata ko;Naliligalig ako at hindi makapagsalita.
5 Naaalaala ko ang mga araw noong unang panahon,+Ang napakatagal nang mga taóng lumipas.
6 Sa gabi ay inaalaala ko ang aking awit;*+Nagbubulay-bulay ako sa aking puso,+Nagsasaliksik akong mabuti.
7 Itatakwil ba tayo ni Jehova magpakailanman?+
Hindi na ba siya muling magpapakita sa atin ng kagandahang-loob?+
8 Naglaho na ba ang kaniyang tapat na pag-ibig magpakailanman?
Ang pangako ba niya ay mawawalan na ng kabuluhan sa lahat ng henerasyon?
9 Nalimutan na ba ng Diyos na ipakita ang kaniyang kagandahang-loob,+O naglaho na ba ang awa niya dahil sa kaniyang galit? (Selah)
10 Palagi ko bang sasabihin: “Ito ang masakit:+
Nagbago na sa atin ang* Kataas-taasan”?
11 Aalalahanin ko ang mga ginawa ni Jah;Aalalahanin ko ang kamangha-mangha mong mga gawa noong unang panahon.
12 Bubulay-bulayin ko ang lahat ng gawain mo,At pag-iisipan ko ang mga pakikitungo mo.+
13 O Diyos, ang mga daan mo ay banal.
May diyos ba na kasindakila mo, O Diyos?+
14 Ikaw ang tunay na Diyos, na gumagawa ng kamangha-manghang mga bagay.+
Ipinapakita mo ang iyong lakas sa mga bayan.+
15 Sa pamamagitan ng kapangyarihan* mo ay iniligtas* mo ang iyong bayan,+Ang mga anak ni Jacob at ni Jose. (Selah)
16 Nakita ka ng tubig, O Diyos;Nakita ka ng tubig at ito ay nanginig.+
At ang malalim na tubig ay naligalig.
17 Mula sa mga ulap ay bumuhos ang tubig.
Kumulog sa maulap na kalangitan,At ang iyong mga palaso ay nagparoo’t parito.+
18 Ang dagundong ng iyong kulog+ ay gaya ng mga gulong ng karwahe;Nagliwanag ang daigdig* dahil sa mga kidlat;+Ang lupa ay umuga at nayanig.+
19 Ang daan mo ay sa dagat,+Ang landas mo ay sa malalim na karagatan;Pero hindi matunton ang mga bakas ng paa mo.
20 Inakay mo ang iyong bayan na parang isang kawan+Sa pamamagitan* nina Moises at Aaron.+
Talababa
^ Lit., “nang hindi namamanhid.”
^ O “musika para sa instrumentong de-kuwerdas.”
^ Lit., “Nagbago na sa atin ang kanang kamay ng.”
^ Lit., “bisig.”
^ Lit., “tinubos.”
^ O “mabungang lupain.”
^ Lit., “Sa pamamagitan ng kamay.”