Mga Awit 41:1-13
Sa direktor. Awit ni David.
41 Maligaya ang sinumang tumutulong sa dukha;*+Ililigtas siya ni Jehova sa araw ng kapahamakan.
2 Babantayan siya ni Jehova at pananatilihing buháy.
Ipahahayag siyang maligaya sa lupa;+Hindi mo siya kailanman ibibigay sa kamay ng mga kaaway niya.+
3 Aalalayan siya ni Jehova sa banig ng karamdaman;+Sa panahong may sakit siya, papalitan mo ang buong higaan niya.
4 Sinabi ko: “O Jehova, maawa ka sa akin.+
Pagalingin mo ako,+ dahil nagkasala ako sa iyo.”+
5 Pero ang mga kaaway ko ay nagsasalita ng masama tungkol sa akin:
“Kailan ba siya mamamatay at nang malimutan na siya?”
6 Kapag dumadalaw sa akin ang isa sa kanila, nagsisinungaling ito.*
Naghahanap ito ng masasamang bagay na masasabi tungkol sa akin;Pagkatapos ay umaalis ito at ipinagkakalat iyon.
7 Nagbubulong-bulungan ang lahat ng napopoot sa akin;Nagpaplano sila ng masama laban sa akin, at sinasabi nila:
8 “May masamang nangyari sa kaniya;Ngayong bumagsak na siya, hindi na siya makababangon pa.”+
9 Maging ang taong malapít sa akin, na pinagtitiwalaan ko,+Na dating kumakaing kasama ko, ay kumalaban sa akin.*+
10 Pero ikaw, O Jehova, maawa ka sa akin at ibangon mo ako,Para magantihan ko sila.
11 Malalaman kong nalulugod ka sa akin
Kapag ang kaaway ko ay hindi nagtagumpay laban sa akin.+
12 Tinulungan mo ako dahil sa katapatan ko;+Pananatilihin mo ako sa harap mo magpakailanman.+
13 Purihin nawa si Jehova, ang Diyos ng Israel,Magpakailanman.*+
Amen at Amen.
Talababa
^ O “mahina.”
^ Lit., “ang puso nito.”
^ Lit., “Na dating kumakain ng tinapay ko, ay nagtaas ng sakong niya laban sa akin.”
^ O “Mula sa panahong walang pasimula hanggang sa panahong walang wakas.”