Mga Awit 31:1-24
Sa direktor. Awit ni David.
31 O Jehova, nanganganlong ako sa iyo.+
Huwag nawa akong mapahiya.+
Iligtas mo ako dahil matuwid ka.+
2 Pakinggan mo ako.*
Puntahan mo ako agad at iligtas.+
Maging bundok na kanlungan ka para sa akin,Isang tanggulan na magliligtas sa akin.+
3 Dahil ikaw ang aking malaking bato at ang aking moog;+Alang-alang sa pangalan mo,+ aakayin mo ako at gagabayan.+
4 Palalayain mo ako mula sa lambat na ipinambitag nila sa akin,+Dahil ikaw ang aking tanggulan.+
5 Ipinagkakatiwala ko ang buhay* ko sa kamay mo.+
Tinubos mo ako, O Jehova na Diyos ng katotohanan.*+
6 Napopoot ako sa mga sumasamba sa walang-silbing mga idolo,Pero ako, kay Jehova ako nagtitiwala.
7 Lubos akong magsasaya dahil sa iyong tapat na pag-ibig,Dahil nakita mo ang pagdurusa ko;+Alam mo ang paghihirap ng kalooban ko.
8 Hindi mo ako ibinigay sa kaaway,Pinatayo mo ako sa ligtas* na lugar.
9 Maawa ka sa akin, O Jehova, dahil nagdurusa ako.
Dahil sa pagdadalamhati ay nanghina ang mga mata ko,+ pati ang buong katawan ko.+
10 Ang buhay ko ay punô ng pamimighati,+At nauubos sa pagdaing ang mga taon ko.+
Nauubos ang lakas ko dahil sa pagkakamali ko;Nanghihina ang mga buto ko.+
11 Hinahamak ako ng lahat ng kalaban ko,+Lalo na ng mga kapitbahay ko.
At natatakot sa akin ang mga kakilala ko;Kapag nakikita nila ako sa labas, agad nila akong nilalayuan.+
12 Inalis nila ako sa puso* nila at kinalimutan na para bang patay na ako;Para akong basag na banga.
13 Marami akong naririnig na paninirang-puri;Nakapangingilabot ang buong paligid.+
Kapag nagsasama-sama sila laban sa akin,Nagpapakana silang patayin ako.+
14 Pero nagtitiwala ako sa iyo, O Jehova.+
Sinasabi ko: “Ikaw ang Diyos ko.”+
15 Nasa kamay mo ang buhay* ko.
Iligtas mo ako sa kamay ng mga kaaway ko at ng mga umuusig sa akin.+
16 Pasinagin mo ang iyong mukha sa lingkod mo.+
Iligtas mo ako dahil sa iyong tapat na pag-ibig.
17 O Jehova, huwag nawa akong mapahiya kapag tumatawag ako sa iyo.+
Mapahiya nawa ang masasama;+Manahimik nawa sila sa Libingan.*+
18 Matahimik nawa ang mga labing sinungaling,+Ang mga labing nagmamataas at nanghahamak sa mga matuwid.
19 Napakasagana ng iyong kabutihan!+
Inilalaan mo iyon sa mga may takot sa iyo,+At ipinakita mo iyon sa mga nanganganlong sa iyo, sa harap ng lahat ng tao.+
20 Itatago mo sila sa lihim na lugar ng iyong presensiya+Mula sa masamang plano ng mga tao;Itatago mo sila sa iyong kanlunganMula sa mga nagsasalita ng nakasasakit.*+
21 Purihin nawa si Jehova,Dahil ipinakita niya sa akin ang kaniyang kamangha-mangha at tapat na pag-ibig+ sa isang lunsod na sinasalakay.+
22 Takot na takot ako noon at sinabi ko:
“Mamamatay ako sa harap mo.”+
Pero dininig mo ang paghingi ko ng tulong nang tumawag ako sa iyo.+
23 Ibigin ninyo si Jehova, kayong lahat na tapat sa kaniya!+
Iniingatan ni Jehova ang mga tapat,+Pero pinagbabayad niya nang malaki ang sinumang nagmamataas.+
24 Lakasan ninyo ang inyong loob, at maging matatag nawa ang inyong puso,+Lahat kayo na naghihintay kay Jehova.+
Talababa
^ O “Yumuko ka at makinig sa akin.”
^ O “na tapat na Diyos.”
^ O “maluwang.”
^ O “isip.”
^ Lit., “mga panahon.”
^ Lit., “Mula sa pang-aaway ng mga dila.”