Mga Awit 146:1-10
146 Purihin si Jah!*+
Pupurihin ko si Jehova nang buo kong pagkatao.+
2 Pupurihin ko si Jehova sa buong buhay ko.
Aawit ako ng mga papuri* sa aking Diyos hangga’t nabubuhay ako.
3 Huwag kayong umasa sa mga pinuno*O sa anak ng tao, na hindi makapagliligtas.+
4 Ang hininga* niya ay nawawala, bumabalik siya sa lupa;+Sa araw ding iyon ay naglalaho ang pag-iisip niya.+
5 Maligaya ang humihingi ng tulong sa Diyos ni Jacob,+At umaasa kay Jehova na kaniyang Diyos,+
6 Ang Maylikha ng langit at lupa,Ng dagat, at ng lahat ng naroon,+Ang Diyos na laging tapat,+
7 Ang nagbibigay ng katarungan sa mga dinaraya,Ang nagbibigay ng tinapay sa gutom.+
Pinalalaya ni Jehova ang mga bilanggo.*+
8 Idinidilat ni Jehova ang mga mata ng mga bulag;+Itinatayo ni Jehova ang mga nakayukod;+Iniibig ni Jehova ang mga matuwid.
9 Pinoprotektahan ni Jehova ang mga dayuhan sa lupain;Tinutulungan niya ang batang walang ama at ang biyuda,+Pero binibigo niya ang plano ng masasama.+
10 Si Jehova ay magiging Hari magpakailanman,+Ang iyong Diyos, O Sion, sa lahat ng henerasyon.
Purihin si Jah!*
Talababa
^ O “Hallelujah!” Ang “Jah” ay pinaikling anyo ng pangalang Jehova.
^ O “Aawit ako at tutugtog para.”
^ O “sa makapangyarihang mga tao.”
^ Lit., “nakagapos.”
^ O “Hallelujah!” Ang “Jah” ay pinaikling anyo ng pangalang Jehova.