Mga Awit 115:1-18
115 Hindi sa amin, O Jehova, hindi sa amin,*Kundi sa iyong pangalan ang kaluwalhatian+Dahil sa iyong tapat na pag-ibig at katapatan.+
2 Bakit sasabihin ng mga bansa:
“Nasaan ang Diyos nila?”+
3 Ang Diyos namin ay nasa langit;Ginagawa niya ang anumang maibigan niya.
4 Ang mga idolo nila ay pilak at ginto,Gawa ng mga kamay ng tao.+
5 May bibig sila, pero hindi sila makapagsalita;+May mata, pero hindi sila makakita;
6 May tainga sila, pero hindi sila makarinig;May ilong, pero hindi sila makaamoy;
7 May kamay sila, pero wala silang pakiramdam;May paa, pero hindi sila makalakad;+Hindi makagawa ng tunog ang lalamunan nila.+
8 Ang mga gumagawa sa kanila ay magiging gaya nila,+Pati na ang lahat ng nagtitiwala sa kanila.+
9 O Israel, magtiwala kayo kay Jehova+—Siya ang kanilang katulong at kalasag.+
10 O sambahayan ni Aaron,+ magtiwala kayo kay Jehova—Siya ang kanilang katulong at kalasag.
11 Kayong mga natatakot kay Jehova, magtiwala kayo kay Jehova+—Siya ang kanilang katulong at kalasag.+
12 Inaalaala tayo ni Jehova at pagpapalain niya tayo;Pagpapalain niya ang sambahayan ni Israel;+Pagpapalain niya ang sambahayan ni Aaron.
13 Pagpapalain niya ang mga natatakot kay Jehova,Ang nakabababa at ang nakatataas.
14 Pararamihin kayo ni Jehova,Kayo at ang mga anak* ninyo.+
15 Pagpalain nawa kayo ni Jehova,+Ang Maylikha ng langit at lupa.+
16 Ang langit ay kay Jehova,+Pero ang lupa ay ibinigay niya sa mga anak ng tao.+
17 Hindi pumupuri kay Jah ang mga patay,+Ang sinumang nasa libingan.*+
18 Pero pupurihin namin si JahNgayon at magpakailanman.
Purihin si Jah!*
Talababa
^ O “Walang anumang nararapat sa amin, O Jehova, walang anumang nararapat sa amin.”
^ Lit., “anak na lalaki.”
^ Lit., “sinumang bumababa sa katahimikan.”
^ O “Hallelujah!” Ang “Jah” ay pinaikling anyo ng pangalang Jehova.