MARSO 21, 2024 | UPDATED: ABRIL 12, 2024
RUSSIA

UPDATE—NAHATULAN ANG KAPATID | “Hindi Kami Pinabayaan ni Jehova”

I-PLAY

Noong Abril 12, 2024, hinatulan ng Tsentralniy District Court of Prokopyevsk sa Kemerovo Region si Sister Yelena Chernykh. Sinentensiyahan siya ng tatlong-taóng suspended prison sentence. Hindi siya makukulong sa ngayon.

Profile

Yelena Chernykh

Ipinanganak: 1976 (Prokopyevsk)

Maikling Impormasyon: Mas napalapít siya sa Diyos nang makipag-aral siya ng Bibliya sa mga Saksi ni Jehova. Nabautismuhan siya noong 1998

Napangasawa niya si Yuriy noong 2006. Nasentensiyahan si Yuriy ng tatlong-taóng sapilitang pagtatrabaho noong Setyembre 2023. Mayroon silang tatlong anak na lalaki

Personal na mga Komento

Ano ang ipinagpapasalamat mo sa kabila ng pinagdadaanan mo ngayon?

Masaya ako na napapanatili kong matibay ang pananampalataya ko sa pamamagitan ng pananalangin, pagbabasa ng Bibliya, at pagtulong sa iba. Nakatulong ang mga iyon para hindi ako masiraan ng loob. Nagpapasalamat din ako na laging sinasagot ni Jehova ang mga panalangin ko; binibigyan niya ako ng lakas at tibay ng loob para maipagtanggol ko sa korte ang pangalan niya. Nagpapasalamat din ako sa suporta ng mga kapatid sa pamilya namin, sa mga panalangin nila, at sa pagbibigay ng materyal na tulong. Hindi kami pinabayaan ni Jehova. Nagpapasalamat ako na lagi siyang nandiyan, hawak ang kamay ko.

Nakakapagpatibay isipin na “hindi . . . nag-iiba o nagbabago” si Jehova at patuloy niyang ibibigay ang “bawat mabuting kaloob at ang bawat perpektong regalo” para makayanan natin kahit ang pinakamahihirap na pagsubok.—Santiago 1:17.

Time Line

Hulyo 12, 2020

Hinalughog ang bahay nila. Pinagtatanong sina Yelena at Yuriy
Mayo 25, 2023

Sinampahan ng kasong kriminal
Agosto 15, 2023

Pinagbawalang umalis ng kanilang lugar
Oktubre 9, 2023

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE