MARSO 1, 2024
RUSSIA

Nahatulan ng Walong-Taóng Pagkabilanggo si Brother Aleksandr Chagan

I-PLAY

Noong Pebrero 29, 2024, hinatulan ng Tsentralniy District Court of Tolyatti sa Samara Region si Brother Aleksandr Chagan ng walong-taóng pagkabilanggo. Mula sa hukuman, dinala siya agad sa bilangguan.

Profile

Aleksandr Chagan

Ipinanganak: 1971 (Ukraine)

Maikling Impormasyon: Isang computer programmer

May mga tanong siya tungkol sa kahulugan ng buhay. Nalaman niya ang sagot nang makipag-aral siya ng Bibliya sa mga Saksi ni Jehova. Nabautismuhan siya noong 2001

Napangasawa niya si Yekaterina noong 2008

Personal na mga Komento a

Ano ang isa sa pinakamahirap na naranasan mo noong nililitis ka?

Sumasamâ ang pakiramdam ko kapag binabasa ko ang mga dokumento sa kaso ko; puro kasi ’yon maling paratang tungkol sa akin at sa bayan ni Jehova. Madalas kong hilingin kay Jehova na tulungan akong magkaroon ng lakas at kagustuhang maghanda para sa paglilitis. Nakatulong sa akin ang ulat sa 2 Hari 13:18. Sinabi ni Eliseo kay Haring Jehoas na kumuha ng mga palaso at hampasin ang lupa. Pero tatlong beses lang hinampas ni Jehoas ang lupa; ibig sabihin, kulang siya sa sigasig at determinasyon. Kailangan kong gawin ang buong makakaya ko para maipagtanggol ang mabuting balita. Hindi ako puwedeng sumuko, at kailangan kong maghandang mabuti sa pagharap sa korte. Sa tulong ni Jehova at ng marubdob na mga panalangin ng mga kapatid, alam kong magtatagumpay ako.

Patuloy tayong manalangin kay Jehova na “pasinagin ang mukha” niya kay Aleksandr at sa lahat ng nananatiling masigasig para sa Kaniyang pangalan.—Awit 119:135, 139.

Time Line

Marso 4, 2022

Hinalughog ang bahay.
Setyembre 14, 2022

Sinampahan ng kasong kriminal
Setyembre 21, 2022

Hinalughog ang bahay sa ikalawang pagkakataon
Setyembre 22, 2022

Pinagtatanong at ikinulong nang magdamag
Setyembre 23, 2022

Pinalaya at pinagbawalang umalis ng kanilang lugar
Agosto 23, 2023

Nagsimula ang paglilitis
Pebrero 29, 2024

Nahatulan at nasentensiyahang mabilanggo nang walong taon

a Sinabi ito ni Brother Chagan bago siya nasentensiyahan.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE