«Ýehowanyň dosty boluň» atly multfilmleriň ýygyndysyndaky aýdymlary hem-de Aman bilen Aýna baradaky multfilmleri hemmeler gowy görýär. Ene-atalar hem-de çagalar bu multfilmler üçin minnetdarlyk hatlaryny ýazyp iberýärler. Käbir çagalaryň aýdan sözlerine seredeliň.

• «„Gulak asmak bereket getirýär“ atly aýdymy çykarandygyňyz üçin, köp sagbolsun aýdýaryn. Men ony oýunjagym bilen günde görýärin» (Zak, 5 ýaşynda).

• «Täze aýdymdan Ýehowanyň meni gaty gowy görýändigini we oňa hemişe doga etmegimi isleýändigini bildim» (Mikaraýa, 6 ýaşynda).

• «Men enem-atama gulak asmagy we arassa hem tertipli bolmagy öwrendim. Biziň üçin bu multfilmi çykaranyňyza sag boluň» (Nikola, 8 ýaşynda).

• «Bu multfilm üçin köp sag boluň. Ol diýseň gülkünç hem gyzykly eken. Men ony gaty haladym» (Makkenziýa, 5 ýaşynda).

• «Men „Ýehowanyň dosty boluň“ diýen multfilmleri diýseň gowy görýärin. Olary günde görýärin. Ýehowanyň kömegi bilen, şeýle multfilmleri çykarýandygyňyz, nähili oňat!» (Ewa, 8 ýaşynda).

• «Men bu multfilmleri görmegi halaýaryn, aýdymlary-da ýat tutjak bolýaryn. Bu multfilmlerden Ýehowany söýmegi öwrenýärin» (Deýwon, 4 ýaşynda).

• «Aman hakdaky indiki multikler haçan çykarka diýip garaşýaryn! Sizden multfilmleri çykaryp durmagyňyzy haýyş edýärin» (Wans, 8 ýaşynda).