Mbampin mba Bibilo I Ne Mlumun sha Mi La
U er nan ve Aôndo una hingir u doon ônov ou ishima?
Tese mbayev ou akaa a igbetar, sha er aa wase ve u fan Aôndo shi soon kwagh na yô
Saa ônov ou vea vande nengen ér Aôndo ngu shi a soo kwagh ve ve, ve kpa Aôndo una hingir u doon ve ishima ye. Gba u vea fa Aôndo cii man vea soo kwagh na ye. (1 Yohane 4:8) U tesen ikyav yô, gba u vea fa mbamlumun sha mbampin mban: Aôndo yange gba orumace ér nana er nyi? Er nan ve Aôndo a de ér ican i er ioro? Ka nyi Aôndo una va er sha ci u orumace?
Cii man u wase mbayev ou u soon Aôndo yô, gba u ú hii tesen ve wer we iyol you kpa Aôndo doo ú ishima. Aluer ve nenge nahan yô, vea nôngo u dondon ikyav you la.
U tese ônov ou kwagh nan ve a kôr ve ken ishima?
Mkaanem ma Aôndo ma tem gbilin ga. (Mbaheberu 4:12) Sha nahan yô, wase mbayev ou ve kav atesen a Bibilo a i gbe u vea hii kaven la. Yesu yange una tesen ior kwagh yô, a pine ve mbampin shi a kegh ato a ve shi a ta ve iwanger ken Ruamabera, nahan ityesen ne i kôr ve ken ishima. We kpa u fatyô u dondon ikyav i Yesu ne, sha er u tese ônov ou kwagh a kôr ve ken ishima yô.
Shi ngeren mba ken Bibilo mba ve pase gbenda u Aôndo yange eren kwagh a ior la kpa vea wase mbayev ou u fan Aôndo shi soon kwagh na. I ver ityakerada i ia wase ú u eren kwagh ne yô, hen ijiir i yase i sha Intanet i www.pr418.com/tiv la.
Kwagh Ugen u Alaghga Shi Una Doo U Yô
MBAYEV
Hingir Ijende i Yehova
Icer i vidio i katun, kua atsam, man ngeren mba gberen a gber mban wase mbayev u henen atesen a injaa, a aa wase ve u eren kwagh sha ishima i Aôndo yô.
TAKERADA WAM U AKAAÔRON A BIBILO
Takerada Wam u Akaaôron a Bibilo—Mhii
Akaaôron a mimi a i dugh ken Bibilo i i lu takeda u hemban sha tar cii la, pase akaa a yiase a a er yô, hii sha shighe u i gba tar la je.
ITYAKERADA & ANTYAKERADAV
