U Nenge Wer Uma Una Va Lu Nena ken Hemene?
Tar wase ne . . .
-
ua gema kposo gaa?
-
ua hemba vihin ken hemene?
-
ua va hemba doonoo?
KWAGH U BIBILO I̱ KAA YÔ
“Aôndo . . . Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.”—Mpase 21:3, 4.
ER ITYENDEZWA NE IA GEMA UMA WOU UNA HEMBA DOON YÔ
U er tom u injaa, u nan we mkom.—Yesaia 65:21-23.
Angev mbua kera lu ga, shin ma ican i yan i môm kpaa ga.—Yesaia 25:8; 33:24.
A saan we iyol, u lu uma vea tsombor wou man azende a ou gbem sha won.—Pasalmi 37:11, 29.
SE FATYÔ U NAN KWAGH U BIBILO I̱ ER NE JIGHJIGH KPA?
Een, se fatyô sha ci u atôakyaa ahar a i ter heen ne, kua atôakyaa agen kpaa:
-
Aôndo ngu a tahav mbu kuren ityendezwa ne. Ken Bibilo cii ka Yehova Aôndo tseegh i yer un ér “Uhembanagee” ye, sha ci u tahav nav mbu a ikighir ga. (Mpase 15:3) Sha nahan yô, una fatyô u kuren ityendezwa na i a kaa ér una gema tar wase ne ua hingir tar u dedoo la. Bibilo kaa ér, “Aôndo yô, fa akaa cii ityô.”—Mateu 19:26.
-
Sar Aôndo u kuren ityendezwa na ne. U tesen ikyav yô, “sar” Yehova u nderen ior mba ve kpe la, nan ve uma.—Yobu 14:14, 15.
Shi Bibilo kaa ér Wan u Aôndo, Yesu yange bee ior iangev. Yange er nahan sha ci u nyi? Lu sha ci u a lumun u eren a ve nahan. (Marku 1:40, 41) Yange sar Yesu u wasen mba ve lu ken ican la, vough er Ter na nahan.—Yohane 14:9.
Sha nahan yô, se na jighjigh ser Yehova kua Yesu cii soo u wasen se sha u i saan se iyol ken hemen yô!—Pasalmi 72:12-14; 145:16; 2 Peteru 3:9.
MPIN U HENEN SHA MI
Aôndo una gema tar wase ne ua hemba doon nena?
Bibilo na mlumun sha mpin ne ken MATEU 6:9, 10 man DANIEL 2:44.
Kwagh Ugen u Alaghga Shi Una Doo U Yô
IYOUKURA
Mfe u Mimi sha Kwagh u Mlu u ken Hemen
Seer lun a ishimaverenkeghen sha kwagh u Aôndo a pase ér tar ua va lu ken hemen man kwagh u ior mba vea lu sha u la.
ESSENTIAL BIBLE TEACHINGS
Ka Nyi I Lu Tartor u Aôndo?
Yesu yange hemban tesen ior kwagh u Tartor u Aôndo shighe u lu eren tom na la. Mbadondon un ndera eren msen sônon ér Tartor la u va anyom kar hegen uderi imôngo.
IYOUKURA
Ka Nyi Tartor u Aôndo Ua Va Ere?
Yesu yange fa je ér ka Tartor u Aôndo tseegh u lu gomoti u una bee a mbamzeyol mba shin tar ne kera ye. Ka nyi Tartor la u vande eren sha u nan se vangertiôr?
KWAGH WASE
Nger Wer I Tindi Or Nana Va Lam a We hen Ya Wou
Time sha mpin u ken Bibilo gayô seer fan kwagh u Mbashiada mba Yehova.
