ITYOUGH 02
Bibilo Ôr Akaa a Nan Se Ishimaverenkeghen
Ior kpishi sha tar mba tagher a mbamzeyol mba ka ve na ishima i vihi ve shin ishima i nyian ve je ve ure yô. I lu nahan, imbakwagh ne er u vee? Adooga u ngu yan ican a angev gayô u ngu zungwen ku u ma or wou. Nahan alaghga u pine wer, ‘Guda a va lu ken hemen je kpa?’ Bibilo ôr kwagh u nan se ishimaverenkeghen.
1. Ka nyi Bibilo i ôr i nan se ishimaverenkeghene?
Bibilo pase se ityôkyaa i i ne ve se tagher a mbamzeyol la tseegh ga, shi i̱ ôr se loho u dedoo kpaa, ér ica ia gba ga tsô mbamzeyol mban vea bee. Akaa a Bibilo i tôndo zwa ér aa er ne ka kwagh u ‘nan we ishimaverenkeghen i dedoo.’ (Ôr Yeremia 29:11, 12.) Uityendezwa mbara ka ve wase se u wan ishima a mbamzeyol asev, shi ve na i saan se iyol hegen je kpaa. Shi ka ve na se lu a vangertiôr ser, a va saan se iyol ken hemen gbem sha won.
2. Bibilo kaa ér uma una va lu nena ken hemene?
Bibilo kaa ér ken hemen yô, “ku ua kera lu ga, ijungwen kpa ia kera lu ga, mliam kpa ma a kera lu ga, shi mnyoon kpa una kera lu ga.” (Ôr Mpase 21:4.) Mbamzeyol mba ior ve tagher a mi nyian ve ka i lu ve er kwagh hemba ve la, er ibanave, man ieren i nzughul a ior, man angev kua ku nahan cii, vea va kera lu ga. Bibilo tôndo zwa ér uumace vea va lu uma ken Paradiso shin tar, shi a saan ve iyol gbem sha won.
3. U er nan ve u fa wer mimi je akaa a Bibilo i ôr ne aa va ere?
Ior kpishi ka ve tôm ér akaa a dedoo ma a er, kpa ve fatyô u fan jighilii ér akaa shon aa er ga. Kpa Bibilo yô, akaa a i̱ ôr la cii aa er keng a bunde ga. Kwagh u se er ve se fa ser akaa a Bibilo i̱ ôr la cii aa er mimi yô, ka u ‘veren ishima zulee, timen ken Ruamabera ayange ayange.’ (Aerenakaa 17:11) Er u lu henen Bibilo ne, we iyol you u fatyô u nan jighjigh a kwagh u Bibilo i ôr sha kwagh u mlu u ken hemen la.
HEN KWAGH I ZA SHIMI
Time sha akaa agen a Bibilo i ôr ér aa va er ken hemen la. Shi nenge er akaa a nan ishimaverenkeghen a Bibilo i ôr la a lu wasen ior nyian yô.
4. Bibilo tôndo zwa ér se va lu uma gbem sha won a kwagh u zan se iyol shio
Nenge uityendezwa mba Bibilo mba i ter shin heen ne. Ka mba han ve hembe doon we? Ve hemba doon we sha ci u nyi?
Ôr avur a Bibilo a i tese shin heen, pe i nger hanma ityendezwa la, nahan lam nen sha mbampin mban:
-
Avur a Bibilo shon wase u wee? Aa fatyô u nan tsombor wou kua azende a ou ishimaverenkeghene?
Hen ase er u va lu uma sha tar shighe u
|
OR MÔM . . . |
HANMA OR . . . |
|---|---|
|
|
|
|
|
|
|
|
|
|
5. Uityendezwa mba Bibilo ka ve na i saan se iyol
Ior kpishi iyol ka i kpe ve shin ishima i vihi ve sha akaa a vihin a a eren ve la. Mbagenev je yô, ka ve nôngo sha afatyô ve cii ér vea sôr akaa, tar u doo. Nenge er ityendezwa i Bibilo i i tese ér tar ua va doo ken hemen la i lu wasen ior hegen yô. Nenge VIDIO i i lu heen ne, maa lam nen sha mbampin mba ve dondo ne.
-
Ken vidio la, yange i lu nzughul a ior nena ve kwagh shon za Rafika iyolo?
-
Er i de u nzughul a ior ga nahan kpa, Bibilo wase Rafika nena?
Kwagh u Bibilo i ôr sha kwagh u mlu wase u ken hemen la ka a wase se u wan ishima a akaa a nan se iyolkpen, shi a na i saan se iyol shighe u se lu nôngon a mbamzeyol je kpaa. Ôr Anzaakaa 17:22 kua Mbaroma 12:12, maa lam nen sha mbampin mban:
-
U nenge wer kwagh u Bibilo i ôr sha kwagh u mlu wase u ken hemen la una wase u hegene? U nenge nahan sha ci u nyi?
IOR MBAGENEV KA VE KAA ÉR: “Kwagh u Bibilo i kaa ér una va er ken hemen la doo je, shin ka mimi je-o?”
-
U nenge wer gba hange hange u u tôv u fa mimi u kwagh shon sha ci u nyi?
KA NYI U HENE?
Bibilo ôr akaa kpishi a aa va er ken hemen ve a saan se iyol yô. Kwagh ne na yô, se mba a ishimaverenkeghen shi hemba saan se iyol hegen.
Mbampin mba umbur kwagh u i hen yô
-
Gba u ior vea fa akaa a Aôndo a tende zwa u va eren la sha ci u nyi?
-
Ka akaa a nyi Bibilo i ôr ér aa va er ken hemene?
-
Aluer u ngu a ishimaverenkeghen sha akaa a aa va er ken hemen la yô, kwagh la una wase u nena?
SEER HENEN KWAGH
Nenge er ka wea nôngon a mbamzeyol kpa wea lu a ishimaverenkeghen ve, kwagh la a wase u yô.
“Ka Nyi ia Na U Ishimaverenkeghene?” (Awake!, Aipor 22, 2004)
Nenge er ishimaverenkeghen i sha akaa a Bibilo i tende zwa ér aa va er la, i lu wasen mba ve gbe icôronuange yô.
“Ican i Icôronuange—Bibilo ia Fatyô u Wasen Je He?” (Ngeren u sha Intanet)
Shighe u u lu nengen vidio i atsam a ase agen ne yô, henen er we vea tsombor wou cii ne va lu ken Paradiso u Bibilo i tende zwa ér ngu van la ve, a saan ne iyol yô.
Ôr ngeren ne, nahan nenge er orgen u ngise eren ayôôso a mbautahav ér ve de u nzughul a ior, yange va fa akaa a Bibilo i tôndo zwa ér aa va er ken hemen la maa de uma la yô.
“M Kera Nengen Mer Gba u Me Kura Tar Ga” (Iyoukura, Julai 1, 2013)
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
