Ka Nyi Me Er Msen Me Sônô?
Mlumun u Bibilo i ne yô
U fatyô u eren msen pinen hanma kwagh u Bibilo i kaa ér Aôndo lumun a mi cii. Bibilo kaa ér: “Ka sea sôn nyityô kwagh u a lu sha ishima [i Aôndo] vough yô, A ungwa se.” (1 Yohane 5:14) U fatyô u sônon akaa a kwagh a gbe u sha mi laa? Een. Bibilo kaa ér: “Pase nen asema a en sha ishigh [ki Aôndo].”—Pasalmi 62:8.
Akaa a se fatyô u eren msen sônon yô
U nan Aôndo jighjigh.—Luka 17:5.
Cighan jijingi, ka tahav mbu tomov mbu Aôndo je la, sha er una wase u u er kwagh u vough yô.—Luka 11:13.
Tahav mbu nôngon a mbamtaver man u hemban imeen.—Mbafilipi 4:13.
Bem u ken ishima.—Mbafilipi 4:6, 7.
Kwaghfan u wasen se u tsuan kwagh u vough.—Yakobu 1:5.
Iwasen i nôngon a mbamzeyol mba ayange ayange.—Mateu 6:11.
Mde u asorabo.—Mateu 6:12.
Kwagh Ugen u Alaghga Shi Una Doo U Yô
IYOUKURA
U Er Msen Nena Ve Aôndo Una Ungwa?
Lam a Aôndo hanma ijiir man hanma shighe cii, ken ishima shin ôron i duen sha. Yesu yange wase se u fan akaa a se fatyô u ôron ken msen yô.
MBAMPIN MBA BIBILO I NE MLUMUN SHA MI LA
Er Nan Ve Aôndo a Ongo Mbamsen Mbagenev Ga?
Hen fa mbamsen mba Aôndo a ongo ga yô, man ior mba Aôndo a ongo mbamsen vev ga yô.