“Edeke . . . emwatari akiyo kere kakonyenekec, mam bobo ejauni atwanare, karaida akuudian, karaida aimony, karaida ariebo.”​—Apukokinio 21:​3, 4.

Aitigogongoret na ebe mam erai Edeke eyangaununei atiokisio wok.​—Yakob 1:​13.

Aitalakario kotoma ajenun ebe epodokinit Edeke neiticanitor oni.​—Sekaria 2:8.

Amuno na ebe ebuni aiticanitoi kere adaun.​—Isabulin 37:​9-​11.

Eebo, kanu akiro aarei:

• Elait Edeke aiticanitoi ka amamus etube. Koany eipone lo abu Edeke kopupunia naeticanere iketunga erono kotoma apaarasia nukolosek. Ebala Ebaibuli ebe abu kokadak Edeke “kanuka ngul kaluaroikinito kes lueticanete kes.”​—Ikatubok 2:​18.

  Mam Edeke kitei ejok ngul luimusungete luce. Kwape aanyunet, ebala Ebaibuli ebe “akanin da nuebukorete aokot numam akirot eraas nuka etale kamakeng.”​—Awaragasia 6:​16, 17.

• Epodokinit Edeke kangin idiopet kaoni. Mam oni ijeni atular ka aburun nakangin itunganan konye Yawe bon ejeni!​—2 Aisiitonokin 6:​29, 30.

  Kotoma Ajakanut ke, edodor Yawe aitanang aiticanitoi nakangin itunganan. (Matayo 6:​9, 10) Kotoma apak kana, kitalakanari Edeke ngul luemoete nges.​—Aswamisio 17:27; 2 Ikorinton 1:​3, 4.