Eka. Magneke hotsaboegne zahay Vavolombelo i Jehovah. Mila magnantogne “dokotera” zahay kindraike ndra tie mikezake miaro fahasalamagne aza. (Lioka 5:31) Dokotera aza ty Vavolombelo i Jehovah ila’e manahake i Lioka, Kristiana tamy ty taonjato voaloha’e.​—Kolosianina 4:14.

 Faie tsy mete ama’ay ty karazam-pitsaboagne ila’e, satria tsy mifagnarake amy ty toro lala ty Baiboly. Tsy magneke hampidiragne lio ohatse zahay, satria mirehake ty Baiboly fa toko’e ho faliegne o liò, ty dika izay tsy toko’e hohanegne ndra hampidiregne amy ty vatagne. (Asan’ny Apostoly 15:20) Rarà ty Baiboly ka ty fitsaboagne misy ifandrambesa’e amy ty demonia.​—Galatianina 5:19-21.

 Faie mifagnarake amy ty toro lala ty Baiboly ty ankamaroa ty fitsaboagne ila’e, le anjara ty tsikiraidraike ty manapa-kevetse ze tea’e. Va’e hisy fitsaboagne heké ty Vavolombelo i Jehovah raike areke faie tsy heké ty Vavolombelogne hafa.​—Galatianina 6:5.