Misy raha raike atao ty Vavolombelo i Jehovah zay magnampe azo hahay ty raha ampianare ty Baiboly. O fomba fianara’ay Baiboly iohoe, le afake magnampe azo:

•   Ho sambatse amy ty fiaignagne

•   Ho ragnen’Andrianagnahare

•   Hahay ty raha ampitamae ty Baiboly amy ty hoavy

Amy ty peje toy

•  Akore ty atao naho fa mianatse Baiboly?

•  Andoavam-bola vao i fianaragney?

•  Manao akore ty halava i fianaragney?

•  Akore ty hanombohagne i fianaragney?

•  Azo oharagne heike vao ty fomba fanoagne i fianaragney amy ty voaloha’e?

•  Tsy maintsy hanjare Vavolombelo i Jehovah vao raho naho fa mianatse Baiboly?

•  Mete vao naho ty Baiboly tegna manokagne ty ampiasaegne?

•  Mete vao naho mitaogne ndaty hafa ka raho hiara-hianatse amako?

•  Akore naho fa nianatse Baiboly tamy ty Vavolombelo i Jehovah raho tie taloha, mbe afake mianatse indraike vao?

•  Mete misy fomba vao ahafahagne mianatse Baiboly faie tsy misy ndaty mpampianatse?

 Hisy ndaty raike hagnampe azo hahafantatse ty raha rehafe ty Baiboly. Atao isake foto-kevetse i fianaragney, le ty boke tihoe Ankamamio Nainai’e o Fiaignagneo! ty ampiasaegne. Hagnampe azo hahafantatse ty raha ampianare ty Baiboly naho ty fomba agnampea io azo. Henteo ty video toy mba hahafantara’o ty miomba ze raha zay.

 Aha’a. Magnorike ty raha nirehafe i Jesosy tamo o mpiana’eo toy zahay. Hoe reke: “Fa nahazo maimaim-poagne nareo, le magnomea maimaim-poagne.” (Matio 10:8) Tsy mitake vola zahay naho fa mampianatse, sady tsy avarotse ka o Baibolio ndra ty boke tihoe Ankamamio Nainai’e o Fiaignagneo!

 Misy lesogne 60 ty amy i boke fianaragney ao. Ze vita’o avao ro atao. Faie maro ty mpianatse Baiboly mirehake tie soa naho mamita lesogne raike ndra mihoatse izay isan-keregnandro.

1.  1. Fenò i fangatahagne amy Internet atoy. Magnampe anay hahatrea ndaty afake hitilike azo ty fahafantara’ay ty mombamomba azo.

2.  2. Hisy mpampianatse Baiboly hiantso azo. Hohazavae’e ama’o ty raha toko’e hatao’o naho te hianatse Baiboly rehe sady afake mamale ze fagnonteneagne tea’o hapetrake reke.

3.  3. Afake mandamigne fotoagne miarake amy i mpampianatse Baiboly azoy rehe. Azo atao mivantagne ndra an-telefony, ndra amy ty videoconférence, naho amy ty alala ty e-mail i fianaragney. Maharetse lera’e raike eo ho eo i fianaragney, faie azo atao latsake izay ndra mihoatse izay arakarake ty fotoagne anagna’o avao.

 Eka. Fenò i fangatahagne amy Internet atoy. Naho fa misy mpampianatse Baiboly amy izay miantso azo, le rehafo ama’e tie te hagnente ty fomba hanoagne i fianaragney heike rehe mba hahatreava’o tie ho tea’o vao sa ho heje’o. Ty bokekele tihoe Ankamamio Nainai’e o Fiaignagneo! ty hampiasae’e mba hagnampeagne azo hahatrea izay. Misy lesogne telo ty amo o bokekele iohoe ao.

 Aha’a. Tea’ay Vavolombelo i Jehovah-o ty mampianatse Baiboly o ndatio. Faie tsy mamoresé iareo hagnorike ty fivavaha’ay zahay. Ty raha ampianare ty Baiboly avao ro atoro’ay o ndatio, le anjara ty tsikiraidraike ty mijobogne tie hino izay vao reke sa tsy hino.​—1 Petera 3:15.

 Eka. Afake mampiasa ze Baiboly tea’o rehe. Faie tea’ay ty mampiasa ty Soratse Masigne Dikan-drehake Tontolo Vaovao, satria mazava sady soa ty rehake ampiasaegne ao. Maro amy ty ndaty ampianare’ay ka ro tea mampiasa ty Baiboly fa nahazatse aze.

 Eka. Azo’o atao ty mitaogne ty keleia’o ndra ty nama’o.

 Eka. Sady vao mainke ho tea’o aza i fianaragney satria maro ty raha nihavaozegne mba hagnampeagne ty ndaty amy izao handrambe soa ama’e. Mahafinaritse ka i fianaragney satria maro ty video henteagne fa tsy manahake ty taloha.

 Eka. Maregne fa maro ty mpianatse Baiboly mirehake tie tena mandrambe soa naho fa misy mpampianatse Baiboly magnampe iareo. Faie ty ila’e mirehake tie ndra aleo’e mampiana-batagne avao heike amy ty voaloha’e. Maro ty fitaovagne naho ty fikarohagne azo henteagne maimaim-poagne amy peje Fitaovagne Fianaragne Baiboly ao afake magnampe azo naho fa ihe mianatse Baiboly. Intoagne ty ila’e amy ze fitaovagne rezay:

•   Video Ara-baiboly. Magnazava ty fampianaragne lahibey boake amy Baiboly ao o video fohe ao rehoe.

•   Valem-pagnonteneagne Ara-baiboly. Mamale fagnonteneagne ara-baiboly maro o lahatsoratse ao rehoe.

•   Fampianara ty Baiboly. Hahatrea lahatsoratse magnazava ty fomba hampiharagne ty toro lala ty Baiboly amy ty fiaignantika andavanandro rehe tie ao.