INFORMASAUN IHA OIN | KETA RENDE AN MASKI HASORU SUSAR
Ita bele duni moris ho laran-kontente
OHIN loron, la iha ema ida mak moris la hasoru susar. Maibé, ita bele duni halaʼo moris ho laran-kontente bainhira ita bele liu ka manán hasoru susar sira iha ita-nia moris no nunka rende an. Tan neʼe, importante mak ita tenke aprende atu simu situasaun susar neʼebé ita hasoru no hafolin nafatin ita-nia moris tuir buat neʼebé ita bele halo. Se ita halo nuneʼe, karik ita-nia situasaun susar neineik-neineik sei sai diʼak. Maibé loloos, ita hotu hein duni ba moris neʼebé sei la iha tan susar no terus.
Maromak nia Liafuan Bíblia promete katak lakleur tan ema hotu bele moris kontente no haksolok. Bainhira tempu neʼe toʼo mai, ema hotu sei iha saúde neʼebé diʼak, la iha tan buat ida mak haterus sira-nia moris no halo sira neon-susar. (Isaías [Yesaya] 65:21, 22) Tuir Bíblia, moris hanesan neʼe mak “moris neʼebé loloos”.—1 Timóteo 6:19.
“Sira sei harii uma no hela, sira sei kuda toʼos-uvas no han nia fuan. Sira sei la harii uma no ema seluk mak hela, sira sei la kuda no ema seluk mak han. Basá haʼu-nia povu nia loron sira sei sai naruk hanesan ai nia tinan, no sira neʼebé haʼu hili sei haksolok boot ho serbisu neʼebé sira halo ho sira-nia liman.”—Isaías (Yesaya) 65:21, 22.
Karik Ita sei gosta
KONA-BA AMI
Tanbasá Estuda Bíblia?
Bíblia ajuda ona ema rihun ba rihun iha mundu tomak hodi hatán ba sira-nia pergunta kona-ba moris. Ita mós hakarak hetan resposta ka lae?
