மீகா 5:1-15
5 “முற்றுகை போடப்பட்ட நகரத்தின் ஜனங்களே,உங்கள் உடலைக் கிழித்துக்கொள்கிறீர்கள்.எதிரிகள் நம்மைச் சுற்றிவளைத்துவிட்டார்கள்.+
ஒரு தடியால் இஸ்ரவேலுடைய நீதிபதியின் கன்னத்தில் அடிக்கிறார்கள்.+
2 எப்பிராத்தா என்று அழைக்கப்படும் பெத்லகேமே,+நீ யூதாவிலுள்ள ஆயிரங்களுக்குள்ளே* மிகவும் சிறியதாய் இருக்கிறாய்.ஆனாலும், இஸ்ரவேலை ஆளப்போகிற ராஜா உன்னிடமிருந்து வருவார்.+அவர் எண்ணிலடங்காத வருஷங்களுக்கு முன்பிருந்தே, எத்தனையோ காலங்களுக்கு முன்பிருந்தே வாழ்ந்துவருகிறார்.
3 பிள்ளை பெறப்போகிறவள் பிள்ளையைப் பெற்றெடுக்கும்வரைகடவுள் தன்னுடைய ஜனங்களைக் கைவிட்டுவிடுவார்.
ராஜாவின் சகோதரர்களில் மீதியாக இருப்பவர்கள் இஸ்ரவேலர்களிடம் திரும்புவார்கள்.
4 ராஜா எழுந்து, யெகோவா தரும் பலத்தோடு மந்தையை மேய்ப்பார்.+தன் கடவுளாகிய யெகோவாவின் மேன்மையான பெயரால் மந்தையை மேய்ப்பார்.
அப்போது, மந்தை பாதுகாப்பாக இருக்கும்.+அவருடைய பெருமை பூமியெங்கும் எட்டும்.+
5 அவர் சமாதானத்தைக் கொண்டுவருவார்.+
அசீரியர்கள் படையெடுத்து வந்து நம் கோட்டைகளைத் தாக்கினாலும்,+அவர்களுக்கு எதிராக நாம் ஏழு மேய்ப்பர்களை, சொல்லப்போனால் எட்டுத் தலைவர்களை, ஏற்படுத்துவோம்.
6 இவர்கள் அசீரியாவை வாளால் தண்டிப்பார்கள்.+நிம்ரோதுடைய தேசத்தின்+ எல்லைகளைத் தாக்குவார்கள்.
அசீரியர்களிடமிருந்து நம் ராஜா நம்மைப் பாதுகாப்பார்.+அவர்கள் படையெடுத்து வந்து நம் தேசத்தை நாசமாக்கினாலும் அவர் நம்மைக் காப்பாற்றுவார்.
7 மீதியிருக்கும் யாக்கோபின் வம்சத்தார் பல தேசத்து ஜனங்களின் மத்தியில் வாழ்வார்கள்.அவர்கள் யெகோவா பொழியும் பனித்துளி போல இருப்பார்கள்.புல்பூண்டின் மேல் பெய்யும் மழைபோல் இருப்பார்கள்.பனியோ மழையோ எந்த மனிதனையும் சார்ந்திருப்பதில்லை,யாருக்காகவும் காத்திருப்பதில்லை.
8 மீதியிருக்கும் யாக்கோபின் வம்சத்தார் மற்ற ஜனங்களின் நடுவில் இருப்பார்கள்.பல தேசத்தார் மத்தியில் வாழ்வார்கள்.காட்டு மிருகங்களின் நடுவில் வாழும் சிங்கத்தைப் போல இருப்பார்கள்.ஆட்டு மந்தைகளுக்குள் நுழையும் இளம் சிங்கத்தைப் போல இருப்பார்கள்.அது பாய்ந்து வந்து கடித்துக் குதறும்.அப்போது, யாராலும் மந்தைகளைக் காப்பாற்ற முடியாது.
9 உன் எதிரிகளுக்கு எதிராக உன் கை ஓங்கும்.உன்னைப் பகைக்கிற எல்லாரும் அழிந்துபோவார்கள்.”
10 யெகோவா சொல்வது இதுதான்:“அந்த நாளில், உங்களுடைய குதிரைகளையும் ரதங்களையும் அழிப்பேன்.
11 உங்கள் நகரங்களை நாசமாக்குவேன்.எல்லா கோட்டைகளையும் தரைமட்டமாக்குவேன்.
12 நீங்கள் செய்கிற பில்லிசூனியங்களுக்கு முடிவுகட்டுவேன்.உங்களுடைய மந்திரவாதிகளை ஒட்டுமொத்தமாக ஒழித்துக்கட்டுவேன்.+
13 நீங்கள் வைத்திருக்கிற சிலைகளையும் தூண்களையும் உடைத்தெறிவேன்.உங்கள் கைகளால் செய்தவற்றை இனி நீங்கள் வணங்க மாட்டீர்கள்.+
14 உங்களுடைய பூஜைக் கம்பங்களை* பிடுங்கி எறிவேன்.+உங்கள் நகரங்களை அழிப்பேன்.
15 என் பேச்சைக் கேட்காத மற்ற தேசத்து ஜனங்களைத் தண்டிப்பேன்.கோபத்தோடும் ஆக்ரோஷத்தோடும் பழிவாங்குவேன்.”