இல்லை. எங்கள் அமைப்பு, குறிப்பிட்ட சில திரைப்படங்களையோ புத்தகங்களையோ பாடல்களையோ தவிர்க்க வேண்டுமென்று அதன் அங்கத்தினர்களுக்குச் சட்டம் போடுவதில்லை. ஏன் தெரியுமா?

  சரி எது, தவறு எது என்று முடிவு செய்ய ஒவ்வொருவரும் தங்கள் “பகுத்தறியும் திறன்களை” பயிற்றுவிக்க வேண்டுமென்று பைபிள் சொல்கிறது.—எபிரெயர் 5:14.

  பைபிளில் இருக்கும் சில அடிப்படையான அறிவுரைகளை மனதில் வைத்து கிறிஸ்தவர்கள் ஒவ்வொருவரும் பொழுதுபோக்கைத் தேர்ந்தெடுக்க முடியும். a மற்ற விஷயங்களைப் போலவே இந்த விஷயத்திலும், கடவுளுக்கு ‘எது பிரியமானது என்பதை எப்போதும் நிச்சயப்படுத்திக்கொள்வதே’ எங்களுடைய குறிக்கோள்.—எபேசியர் 5:10.

  குடும்பத்தில் இருக்கிறவர்கள் என்ன செய்யலாம், என்ன செய்யக் கூடாது என்று சொல்ல குடும்பத் தலைவர்களுக்கு ஓரளவு அதிகாரம் இருப்பதாக பைபிள் சொல்கிறது. அதனால், சில வகையான பொழுதுபோக்குகளைத் தவிர்க்க வேண்டுமென்று அவர்கள் தங்களுடைய குடும்ப அங்கத்தினர்களுக்குச் சொல்லலாம். (1 கொரிந்தியர் 11:3; எபேசியர் 6:1-4) ஆனால், குடும்பத்தில் இல்லாத மற்ற யெகோவாவின் சாட்சிகளிடம் குறிப்பிட்ட சில திரைப்படங்களையோ புத்தகங்களையோ பாடல்களையோ தவிர்க்கும்படி சொல்ல யாருக்குமே அதிகாரம் இல்லை.—கலாத்தியர் 6:5.