MUENDELEE KUKESHA!
Inawezekana Watu wa Rangi Zote za Ngozi Watendewe Sawasawa?—Biblia Inasema Nini?
Leo, watu wengi wanaona kama haiwezekane watu wa rangi zote za ngozi watendewe sawasawa.
“Mu dunia yote, ubaguzi wa rangi uko sawa vile sumu yenye inaharibisha matengenezo, vikundi vya watu, na maisha ya kila siku ya watu. Unafanya watu waendelee kutendeana bila haki.”—António Guterres, katibu mkuu wa Umoja wa Mataifa (secrétaire général des Nations unies).
Kuko siku yenye watu wa rangi zote watatendewa sawasawa? Biblia inasema nini?
Mawazo ya Mungu juu ya kutendewa sawasawa kwa watu wa rangi zote
Biblia inafundisha namna Mungu anaona watu wa rangi zote.
“[Mungu] alifanya kila taifa la watu ili wakae juu ya uso wa dunia yote.”—Matendo 17:26.
“Mungu hana ubaguzi, lakini katika kila taifa mutu mwenye anamuogopa na kufanya mambo yenye kuwa sawa anakubaliwa naye.”—Matendo 10:34, 35.
Biblia inaonyesha kama watu wote ni familia moya na kama Mungu anakubali watu wa kila rangi.
Itawezekana kweli watu wa rangi zote watendewe sawasawa?
Wakati Ufalme wa Mungu, ni kusema, serikali ya mbinguni, utaanza kutawala dunia, watu wa rangi zote watatendewa sawasawa. Ile serikali itafundisha watu namna ya kutendea wengine kwa haki. Watu wataachana kabisa na ubaguzi wa rangi wenye pengine wako nao leo.
“Wakaaji wa inchi [watajifunza] kuhusu haki.”—Isaya 26:9.
“Matokeo ya haki ya kweli yatakuwa amani, na matunda ya haki ya kweli yatakuwa utulivu wa kudumu na usalama wa kudumu.”—Isaya 32:17.
Leo, Biblia iko nafundisha mamilioni ya watu namna ya kutendea wengine muzuri na kwa heshima.
Juu ya kujua mambo mingi zaidi, soma gazeti ya Amuka! yenye kichwa “Kuko Dawa ya Kumaliza Ubaguzi?”
Soma habari “Unaweza Kuzungumzaje na Watoto Wako Kuhusu Ubaguzi?” ili ujue namna wazazi wanaweza kuizungumuzia ku nyumba.
Ona pia...
MAFUNDISHO YA MUSINGI YA BIBLIA
Ufalme wa Mungu Ni Nini?
Katika mahubiri yake, Yesu alizungumuzia Ufalme wa Mungu kuliko jambo lingine lolote. Kwa miaka mingi, wanafunzi wake wamesali ili Ufalme huo ukuje.
MUNARA WA MULINZI
Dunia Isiyokuwa na Chuki—Itakuwa Wakati Gani?
Mifano ya kweli inaonyesha namna Biblia inavyosaidia watu leo kushinda chuki. Chuki itamalizwa kabisa wakati gani?
HABARI JUU YETU
Omba Mashahidi wa Yehova Wakutembelee
Uzungumuzie ulizo moya kuhusu Biblia, ao upate habari zaidi juu ya Mashahidi wa Yehova.
