Ho Baroma 12:1-21
12 Ka hona bana beso, ka ha Modimo o le qenehetse, ke kopa hore le mo fe mmele ya lona+ le maphelo a lona jwalo ka ha eka ke sehlabelo se halalelang+ seo a tla se amohela le be le mo sebeletse ka kelello yohle.+
2 Le kgaotse ho etsisa batho ba lefatshe lena.* Ho ena le hoo, le dumelle Modimo hore a fetole tsela eo le nahanang ka yona+ e le hore le ka ikgodisa hore thato ya Modimo+ e molemo, e a amoheleha hape e phethahetse.
3 Ka lebaka la mosa* oo Modimo a mpontshitseng wona, ke eletsa e mong le e mong wa lona hore a se ke a inka a le bohlokwa haholo.+ Empa e mong le e mong a inahane hantle ho ya ka tumelo eo Modimo a mo abetseng yona.+
4 Etswe mmeleng o le mong re na le ditho tse ngata+ tse etsang mesebetsi e fapaneng.
5 Ka tsela e tshwanang le hoja re le bangata, re mmele o le mong o momahaneng le Kreste. Re boetse re ditho tsa mmele o le mong mme re a hlokana.+
6 Kaofela ha rona re na le dimpho tse fapaneng ho ya ka mosa oo Modimo a re bontshitseng wona.+ Ka hoo, haeba re ena le mpho ya ho profeta, a re profeteng ho ya ka tumelo eo re nang le yona.
7 Haeba re fuwe mosebetsi, re o etse ka boitelo bohle kapa haeba mpho ya rona e le ho ruta, re rute ka boitelo bohle.+
8 Haeba mpho ya hao e le ho kgothatsa* ba bang,+ ba kgothatse.* Haeba mpho ya hao e le ho fana,+ o fane. Ya etellang* pele a etse jwalo ka mafolofolo.+ Ya hauhelang a etse jwalo ka pelo yohle.+
9 Le ratane ka tsela e se nang boikaketsi.+ Nyonyang se kgopo+ le kgomarele se molemo.
10 Ratanang ka matla jwalo ka bana ba motho. Eba wa pele wa ho bontsha hore o hlompha batho ba bang.+
11 Le se ke la ba botswa empa le sebetse ka thata.*+ Dumellang moya o halalelang+ hore o etse hore le be mafolofolo. Le sebeletse Jehova* ka pelo yohle.+
12 Thabang ka lebaka la tshepo eo le nang le yona. Mamellang ha le ena le mathata.+ Le se ke la kgaotsa ho rapela.*+
13 Arolelanang seo le nang le sona le badumedimmoho le lona* ho ya ka hore na ba hlokang.+ Itlwaetseng ho amohela baeti.+
14 Kopelang ba le hlorisang tlhohonolofatso,+ le se ke la ba bua hampe.+
15 Thabang le ba thabileng, llang le ba llang.
16 Le nahanele ba bang ka tsela e tshwanang le eo le inahanelang ka yona. Le se ke la ikgohomosa* empa le ikokobetse.*+ Le se ke la inka le le bohlale.+
17 Haeba batho ba bang ba le etsa hampe, le se ke la ba etsa hampe le lona.+ Etsang dintho tseo batho bohle ba nkang di lokile.
18 Le etse sohle seo le ka se kgonang e le hore le be le kgotso le batho bohle.+
19 Baratuwa, le se ke la iphetetsa empa le dumelle Modimo hore a bontshe kgalefo ya hae.+ Mangolo a re: “Jehova* o re: ‘Phetetso ke ya ka, ke tla fana ka kotlo.’”+
20 Empa “haeba motho ya o hloileng a lapile, o mo fe dijo. Haeba a nyorilwe, o mo fe se nowang. Etswe o tla be o bokella mashala a mollo hloohong ya hae.”*+
21 O se ke wa itlohela hore o hlolwe ke bobe empa o nne o hlole bobe ka botle.+
Dintlha tse qetellong ya sehloho
^ Kapa: “eletsa.”
^ Kapa: “eletse.”
^ Kapa: “okamelang.”
^ Sheba Ntlha ya A5.
^ Kapa: “le tjhesehe.”
^ Kapa: “Phehellang thapelong.”
^ Ka Segerike: “bahalaledi.”
^ Ka Segerike: “le tsamaisane le dintho tse tlase.”
^ Kapa: “la nahana ka dintho tse phahameng.”
^ Sheba Ntlha ya A5.
^ E leng ho nolofatsa pelo ya motho.