Odo 20:1-30
20 Wan sma di e dringi furu win e tron wan wiswasi man èn wan sma di e dringi furu sopi e meki dyugudyugu.A sma di du wan don sani fu di a dringi sopi na wan donsma.
2 A frede di wan kownu e meki sma frede, de leki a b’bari fu wan lew.*Iniwan sma di e meki a kownu ati bron kan lasi en libi.
3 Wan man e kisi glori te a no e hartaki nanga trawan,ma ibri donsma o hartaki nanga trawan.
4 Na ini a kowru ten fu a yari a lesiman no o drai a doti fu en gron.Dati meki na a ten fu a kotiwroko a o abi fu begi sma n’nyan, fu di a no abi noti.*
5 Den prakseri* na ini na ati fu wan man de leki watra na ini wan dipi peti,ma wan sma di koni o hari den kon na loktu.
6 Furu sma e taki dati den e sori trawan bun-ati,*ma suma kan feni wan sma di e du san reti?
7 A ret’ati sma e tyari ensrefi na wan reti fasi.
Den pkin* di a o kisi o de koloku.
8 Te a kownu e sdon na tapu en kownusturu fu koti krutu,a e ondrosuku sani finfini fu kan puru ala ogri na pasi.
9 Suma kan taki: „Mi krin mi ati.Mi no abi sondu moro”?
10 Yehovah no lobi en srefsrefi te sma e marki sani nanga tu sortu wegiston èn nanga tu sortu baki.
11 Den sani di wan pkin* e du e sori suma a de trutru.Den e sori efu a e du san bun èn efu a e du sani nanga wan krin ati.
12 Yesi di e yere nanga ai di e si na sani di Yehovah meki.
13 No lobi fu sribi langa, so taki yu no kon pôti.
Opo yu ai èn opo fu yu bedi, dan yu o nyan yu bere furu.
14 A sma di e bai sani e taki: „A sani no bun. A sani no bun!”Ma te a e waka gwe, a e meki bigi fu san a du.
15 Gowtu de èn bun furu koraal-ston* de tu.Ma wan mofo di e taki koni sani abi moro waarde.
16 Efu wan man e tnapu borgu gi wan tra sma di a no sabi, dan yu musu teki a krosi fu en.Efu a du dati gi wan uma di e huru,* dan yu musu teki wan sani fu en leki panti.
17 N’nyan di wan sma fufuru* kan switi gi en.Ma bakaten en mofo o furu nanga pkinpkin ston.
18 Rai fu trawan o yepi yu fu du san yu abi na prakserièn koni rai o yepi yu fu feti wan bun feti.
19 A sma di abi a gwenti fu waka e ferteri tori fu trawan, e puru sma bere kon na doro.Yu no musu bemui nanga wan taktaki-mofo sma.*
20 Efu wan sma e fluku en p’pa nanga en m’ma,dan sma o kiri a lampu fu en te dungru e fadon.
21 Awinsi wan sma di abi bigi-ai kon kisi furu gudu,tòg a no o kisi blesi bakaten.
22 No taki: „Mi o pai ogri fu ogri!”
Wakti Yehovah, dan a o ferlusu yu.
23 Yehovah no lobi en srefsrefi te wan sma e wegi sani nanga tu sortu wegiston.A no bun fu gebroiki wegi di no e wroko bun.
24 Na Yehovah e sori wan man pe a musu poti en futu.Fa wan libisma kan sabi sortu pasi a musu teki?
25 Efu wan sma pramisi Gado wan sani sondro fu prakseri fosi efu a o man du en,
a o kon na ini problema.
26 Neleki fa sma e puru buba na aleisi,na so wan koni kownu e puru den ogriwan na mindri den tra sma.
27 Den sani di wan sma e taki* de leki a lampu fu Yehovah.Den e sori san de dipi na ini a sma ati.
28 Sani e waka bun gi wan kownu te a e sori trawan bun-ati* èn te a e du san a pramisi.Fu di a e sori trawan bun-ati, meki a o tan kownu.
29 A moi fu yongusma na a krakti fu denèn a weti w’wiri fu owrusma e gi den grani.
30 Strafu* e tapu wan sma fu du ogrièn fonfon e krin wan sma fu insei.
Futuwortu
^ Noso: „yongu lew di abi w’wiri na en neki kba”.
^ Noso kande: „A o suku n’nyan na a ten fu a kotiwroko, ma a no o feni noti”.
^ Hebrewtongo: „rai”.
^ Hebrewtongo: „manpkin”.
^ Noso: „boi”.
^ Noso: „wan trakondre sma”.
^ Noso: „N’nyan di wan sma feni fu di a bedrigi trawan”.
^ Noso: „wan sma di e kori sma nanga en mofo”.
^ Hebrewtongo: „A bro fu wan sma”.
^ Hebrewtongo: „Fonfon nanga soro”.
