Yesus sabi fa wi e firi te wi e kisi fu du nanga den ogri di sma e du nanga wi, noso te sma no e libi bun nanga wi. Sma ben lei gi en taki a du ogri, den ben fon en somaar, den ben tyari en go na krutu aladi a no ben noti, den ben gi en wan strafu di a no ben musu kisi èn den kiri en na wan ogr’ati fasi. Aladi a no ben du nowan ogri, tòg a no ben denki ensrefi, ma a ben de klarklari fu gi „en libi leki wan lusu-paiman fu frulusu furu sma” (Mateyus 20:28; Yohanes 15:13). Now a de Kownu fu Gado Kownukondre èn dyonsro a o du san reti gi heri grontapu. Dan noiti moro sma o de di e du ogri.​—Yesaya 42:3.

 Bijbel e ferteri wi fa grontapu o de baka te Yesus tyari den kenki disi kon:

•   „Den ogriwan no o de moro. Yu o luku pe den ben de fosi, ma den no o de moro. Ma den safr’ati sma o kisi grontapu èn den o abi furu prisiri fu di freide o lai.”​—Psalm 37:10, 11.

 Fa wi kan sori taki wi e warderi den sani di Yesus du kba èn den sani di a o du ete gi wi? Na ini Lukas 22:19 Yesus taigi den bakaman fu en fu memre a dede fu en. Dati meki ibri yari Yehovah Kotoigi e kon na wán tapu a dei di Yesus dede. Wi e gi yu wan kari fu kon makandra nanga wi te wi e memre a dede fu Yesus tapu sonde 24 maart 2024.

Luku pe wan konmakandra o de pe wi o memre a dede fu Yesus