Paaja di bunu buka!
Könklësi u Jehovah Kotoigi u 2024
Ja a’ fu paka fii ko a dendu • De an o pii möni tu
Dee soni dee o dë a di könklësi aki
Feeda: Woo lei soni di ta lei taa dee soni di di Bëibel ta taki u di libi u Jesosi da soni di pasa nëën libi tuutuu. Woo lei unfa u sa feni wini u dee woto aki dee sikifi a di Bëibel a di ten fuu aki.
Sata: Andi di Bëibel bi taki a fesi u di kamian ka de bi o pai Jesosi ku di fasi fa soni bi o waka di a bi dë miii, nöö dee soni dë bi pasa tuutuu ö?
Sonde: A di Bëibel taki „Wa ta fëëë te u ta jei dee hogi dee ta pasa”, woo lei faandi mbei milionmilion sëmbë a di ten aki an ta panta, hii fa de ta si taa möön ku möön soni ta ko hogi a di goonliba aki.
Fëlön
Di libi ku di diniwooko u Jesosi: Pisi 1
Di tuutuu Limbo u di goonliba
Di pai di de pai Jesosi a wan foombo fasi bi dë di fosu fanöudu soni di pasa a di libi fëën. Hën mama ku hën tata bi tjëën go a Egepiti, u di wan hogihati könu bi ta suku ën u kii. Bakaten, dee soni dee a bi ta taki bi foombo sömëni u dee gaan leima u di ten fëën. Luku unfa dee soni aki, ku woto soni jeti ta pasa a di fëlön aki di paati a tu pisi. Woo luku wan pisi a feeda ku wan woto pisi a sata.
Luku dee fëlön dee ta taki soni u di könklësi u di jaa aki
Andi ta pasa a wan könklësi?
Ko sabi unfa soni ta dë te i go a wan könklësi u dee Jehovah Kotoigi.
Könklësi u Jehovah Kotoigi u 2024: Paaja di bunu buka!
Luku hii di seti u di könklësi u di jaa aki.
Fëlön: Di libi ku di diniwooko u Jesosi
Sömëni sëmbë sabi taa de pai Jesosi a wan foombo fasi. Ma andi bi pasa ufö de pai ën, söseei baka di de pai ën?