29 MAJ 2023 | PËRDITËSUAR MË 3 MAJ 2024
RUSI

PËRDITËSIM—VËLLEZËRIT TANË I SHPALLIN FAJTORË | Parimet nga Bibla ndihmojnë vëllezërit të përballojnë përndjekjen

LUAJ

Më 2 maj 2024, Gjykata Krahinore e Pozharskit në Territorin e Primorjes shpalli fajtorë vëllezërit Nikolai Diktjar, Andrei Ljakov, Juri Ponomarenko dhe Oleg Sergejev. Ajo i dënoi me vënie në provë, respektivisht me 2 vjet e 6 muaj, 2 vjet e 8 muaj, 6 vjet e 6 muaj dhe 6 vjet e 4 muaj. Për momentin, vëllezërve nuk u duhet të futen në burg.

Të dhëna

Nikolai Diktjari

Lindur: 1954 (Ukrainë)

Biografia: Ka punuar si inxhinier për sistemet e ngrohjes e të ftohjes

U bind se Bibla është e saktë kur pa se profecitë e saj po përmbusheshin dhe u pagëzua si Dëshmitar i Jehovait më 1998

Komente personale

Ç’të ka ndihmuar të ruash ekuilibrin gjatë kësaj periudhe të vështirë?

Kur mora vesh se në Rusi nisi përndjekja, nuk u surprizova. E dija se gjëja më e mirë që mund të bëja, ishte të përgatitesha. Jam i vetëdijshëm që nuk i shmang dot as përndjekjen, as problemet. (2 Timoteut 3:12) Organizata e Jehovait po na jep shumë zemër me anë të ushqimit besimforcues. Mbështetje e fuqishme janë edhe lutjet e vëllezërve. Gjithmonë ndihem sikur Jehovai dhe Jezui janë pranë meje, duke më dhënë forcë e durim.

Andrei Ljakovi

Lindur: 1978 (Voznjesenkë, Territori i Primorjes)

Biografia: Ka punuar në ndërtim dhe kryesisht është marrë me finiturat dhe rimodelimet e godinave

Dëshmitarët e Jehovait e kontaktuan në vitin 2014. Me anë të Biblës, ata e ndihmuan të gjente përgjigjet e pyetjeve që kishte, dhe kjo e bindi se kishte gjetur të vërtetën. U pagëzua në vitin 2016

Komente personale

Si e ke ruajtur të fortë besimin?

Po të shkurajohem, më zë ankthi dhe dorëzohem. E di se për të ruajtur gëzimin, duhet të jem edhe më aktiv se më parë. Te Mateu 6:33, Jezui na nxit ‘të vazhdojmë të kërkojmë në radhë të parë Mbretërinë’. Kur mendoj thellë për këtë varg, e kam më të lehtë të përqendrohem te miqësia ime me Jehovain. I kujtoj vetes se Ai po më ndihmon të përballoj çdo sfidë. Pra, nuk ka kuptim të më mbytin mendimet negative dhe të shqetësohem për atë që mund të ndodhë.

Oleg Sergejevi

Lindur: 1984 (Vladivostok, Territori i Primorjes)

Biografia: Punon si elektricist

Prindërit u bënë Dëshmitarë të Jehovait kur ishte i vogël. Nëpërmjet studimit personal të Biblës u bind se kishte mësuar të vërtetën dhe u pagëzua më 1999

U martua me Anastasian më 2010 dhe kanë tre fëmijë

Komente personale

Cili parim nga Bibla të ka ndihmuar në veçanti?

Kam menduar gjerë e gjatë për fjalët e Jezuit te Luka 12:25, 26: «Kush nga ju, duke qenë në ankth, mund t’i shtojë qoftë edhe një çast jetës së vet? Prandaj, nëse nuk bëni dot një gjë kaq të vogël, pse të jeni në ankth për të tjerat?» Ky parim më kujton se, në vend që të përqendrohem te gjithë telashet që më kanë rënë, duhet të them «Stop!» kur zemrën nis të ma pushtojë ankthi. Ka ca gjëra në jetë që thjesht nuk i ndryshojmë dot. Më e mira që mund të bëj, është të përshtatem me këto rrethana të reja dhe të mbështetem akoma më shumë te Jehovai.

E dimë se, ashtu si Andrei, Nikolai, Olegu dhe Juri, të gjithë ne ‘do të jemi plotësisht të pajisur për çdo vepër të mirë’ teksa zbatojmë parimet e Biblës në jetën tonë.—2 Timoteut 3:16, 17.

Tabelë kronologjike

16 korrik 2021

Ngrihet një çështje penale kundër Jurit, si i dyshuar për organizim të aktiviteteve të një organizate ekstremiste
22 korrik 2021

Jurit i kontrollojnë apartamentin
24 korrik 2021

Jurit i vendosin kufizime për udhëtimin
1 nëntor 2021

Olegut i kontrollojnë apartamentin
2 nëntor 2021

Olegut i vendosin kufizime për udhëtimet
12 shkurt 2022

Kundër Olegut ngrenë akuza penale dhe e përfshijnë në të njëjtën çështje
14 mars 2022

Kundër Nikolait ngrenë akuza penale dhe e përfshijnë në të njëjtën çështje
15 mars 2022

Kundër Andreit ngrenë akuza penale dhe e përfshijnë në të njëjtën çështje
10 gusht 2022

Nis procesi penal

Mund të të pëlqejë edhe . . .

LAJME

Burgosen për shkak të besimit—Rusi

Dëshmitarët e Jehovait në Rusi janë burgosur për shkak të besimit. Lexo historinë e tyre dhe shih listën e printueshme që ka të gjithë Dëshmitarët që janë në burg në këtë moment.

LAJME