Bufumu bu’Efile Mukulu nkinyi?
Lualulo lua mu Bible
Bufumu bu’Efile Mukulu nyi mbulamatadi a binyibinyi abadi batuule kui Yehowa Efile Mukulu. “Bufumu bu’Efile Mukulu” abebuitamina dingi bu “bufumu bua muyilu” mu Bible, muanda abumunana kukatukila muiyilu. (Maako 1:14, 15; Mateo 4:17, King James Version) Bui na mianda ibungi ayisanganyibua mu mbulamatadi a bana ba bantu, anka abo mbuiyikile mu mishindo yoso.
Bakunkushi. Efile Mukulu mmutuule Yesu Kidishitu bu Mfumu a buno Bufumu na mmumupe matalua ashi alombene kupeta mfumu su ngumune ku bana ba bantu. (Mateo 28:18) Yesu afubishaa ano matalua penda bua kukita bibuwa, bu biadi Mukunkushi akutudila lukulupilo na etulaa pa mbalo ya bangi. (Mateo 4:23; Maako 1:40, 41; 6:31-34; Luka 7:11-17) Ku bukunkushi bu’Efile Mukulu, Yesu mmusangule bantu ba mu miilo yoso “abakakunkusha bu basha matalwa pa nsenga” bashale naaye muiyilu.—Kibafumbwilwe 5:9, 10.
Mafuku. Mu kuilekena na mbulamatadi ya bana ba bantu, aatudibua na kukatushibuwa, Bufumu bu’Efile Mukulu “t’abukaluuishibua.”—Ndanyele 2:44.
Abakamunyibua. Muntu oso akitshi akikieb’Efile Mukulu akekala ku bukunkushi bua Bufumu bu’Efile, kushi kutala ba nkambua baaye sunga mbalo yadi mutandikilue.—Bikitshino 10:34, 35.
Miiya. Miiya (sunga bitungo) ya mu Bufumu bu’Efile Mukulu ngipele kuikala na muikielo wibubi. Ayitekie kuikala na ngikashi ibuwa. Kileshesho Bible amba’shi: “‘Abitungu ofule Efile Mukulu obe n’eshimba diobe dioso na kikudi kiobe kioso, mpaa na kinangu kiobe kioso.’ Dyaaya ngi eyi dikata na dya kumpala. Eyi dya kabidi, di na muulo umune nadyo dii bino: ‘Ofule muntu noobe buu’be nabeene.’” (Mateo 22:37-39) Kufula Efile Mukulu na muntu nabo akutakula bantu ba mu Bufumu bu’Efile Mukulu buabadia kukitshina bangi bibuwa.
Malongiesha. Bu bi Bufumu bu’Efile Mukulu mbuele bantu babo miiya i kunundu, abuibalongiesha dingi biabadia kulonda yaya miiya.—Yeeshaya 48:17, 18.
Mudimo. Bufumu bu’Efile Mukulu t’abupeyaa bakunkushi babo bupeta na kuleka bano babakunkusha bashale na bulanda nya. Anka, abulombasha mpángo y’Efile Mukulu, mpa na mulayilo wa’shi boso bamufule abakapete muwa wa loso mu mpaladiso pa nsenga.—Yeeshaya 35:1, 5, 6; Mateo 6:10; Kibafumbwilwe 21:1-4.
Tala dingi
ESSENTIAL BIBLE TEACHINGS
Bufumu bw’Efile Mukulu nkinyi?
Yesu mu mudimo waye, baadi mulambukishe Bufumu bw’Efile Mukulu kukila ingi myanda yooso. Munda mwa bipwa nkama, balondji baaye abatekanga shi bwabwa Bufumu bufikye.
KITENTA KYA MULAMI
Nnanyi Nfumu a Bufumu bw’Efile Mukulu?
Bafundji ba Bible bebungi abafundjile myanda ayilesha muntu baadi na kya kufika Nfumu a Bufumu bw’Efile Mukulu. Mu bantu batababapwile kwikala kwanka, nka penda Yesu nyi mulombashe myanda itekiibwe bwa kwikala Nfumu a Bufumu bw’Efile Mukulu na kumunana pa nsenga.
TWI BANTU KINYI?
Teka bua’shi bafikie mu kukutala
Esambe mianda ya mu Bible sunga kulonga bibungi pabitale ba Temue ba Yehowa.