Talu mai Oketopa 7, 2023, ua matuā faateteleina faiga sauā ma fetauaʻiga i Isaraelu ma Gaza. E faitau selau afe tagata ua aveesea faamalosi mai o latou fale. Ua faailoa mai i lipoti, e pe ā ma le 4,200 tagata ua maliliu.

• E leai se tasi o o tatou uso ma tuafāfine na maliu pe faamanuʻalia

• E toʻa 93 tagata talaʻi na tuua o latou fale

• E 3 fale o o tatou uso e itiiti mea na faaleagaina

• E leai se Maota mo Sauniga na faaleagaina

• O loo saunia e ovasia matagaluega ma toeaina i lenā vaipanoa, faamāfanafanaga mai i le Tusi Paia ma fesoasoani manaʻomia mo uso ma tuafāfine o loo aafia

• Ua tofia se Komiti o Fesoasoani mo Mala e vaaia galuega fesoasoani

O loo taumafai pea o tatou uso ma tuafāfine o loo aafia, e faatumau a latou faasologa faaleagaga, e ala i le faatasitasi pea i fesootaʻiga i le Initaneti. Ua faapea mai se tasi o ovasia matagaluega: “E ui e faigatā ona iloa mea o le a tutupu taeao, ae o se faalaeiauga le vaaia o le faatuatua malosi ma le alofa lē manatu faapito o tatou uso ma tuafāfine, o le tasi i le isi.”

E tatou te tulimataʻia le faataunuuga o le folafolaga a le Tusi Paia, ua toeitiiti “faaiʻuina taua i tuluʻiga o le lalolagi.”—Salamo 46:9.