O le Tusi Muamua iā Timoteo 2:1-15
2 O lenei, e muamua i mea uma lava ona ou apoapoaʻi atu ina ia faia talosaga, o tatalo, o ōlega, ma le ofo atu o faafetai e faatatau i ituaiga uma o tagata,
2 e faatatau i tupu ma i latou uma i tulaga maualuluga,*+ ina ia tatou ola ai i ni olaga toʻafimālie ma le filemu, e faamaoni i le Atua ma ia faatagatamatua i mea uma lava.+
3 O le mea lelei lea ma le mālie i le silafaga a le Atua lo tatou Faaola,+
4 o lē e finagalo ina ia faaolaina ituaiga uma o tagata,+ ma ia maua le poto saʻo i le upu moni.
5 Auā e toʻatasi le Atua,+ ma e toʻatasi foʻi le puluvaga+ i le vā o le Atua ma tagata,+ o le tagata lea o Keriso Iesu,+
6 o lē na ofoina atu o ia lava e fai ma togiola e fetaui lelei mo tagata uma,*+ o le mea lenei e molimau i ai i lona taimi e tatau ai.
7 O lenei molimau+ na tofia ai aʻu e avea o sē e talaʻi ma o se aposetolo,+ ou te taʻu atu le upu moni, ou te lē pepelo, o aʻu o le faiaʻoga o nuu ese+ i le faatuatua ma le upu moni.
8 O lenei, ou te manaʻo ia faaauau ona tatalo tane i nofoaga uma lava, ma sisii i luga lima+ ma le faamaoni, e aunoa ma le ita+ ma le finau.+
9 E faapena foʻi fafine, ia teuteu iā i latou i ofu e talafeagai, ia onomea ma ia mafaufau lelei, ia lē faia i le lauulu fili ma auro, po o penina po o ofu e sili ona taugatā,+
10 ae ia tatau ma fafine o ē ua faapea mai e latou te matataʻu i le Atua,+ e ala i a latou galuega lelei.
11 Ia aʻoaʻoina le fafine ae ia lē tautala* o ia, ma ia gauaʻi atoatoa.+
12 Ou te lē faatagaina se fafine e aʻoaʻo atu, pe pule foʻi i se tamāloa, ae aua neʻi tautala* o ia.+
13 Auā na muamua ona faia o Atamu, ona faia ai lea o Eva.+
14 E leʻi ʻolegia foʻi Atamu, ae na matuā ʻolegia lava le fafine,+ ma ia solia ai le tulafono.
15 Peitaʻi, e saogalemu o ia pe a fanauina ni tama,+ pe afai e faaauau o ia* i le faatuatua, ma le alofa, ma le faapaiaina, atoa ma le mafaufau lelei.+
Faamatalaga Pito i Lalo
^ Po o le “e iai le tulaga pule.”
^ Po o “ituaiga uma o tagata.”
^ Po o le “ae ia toʻafilemu; ae ia filemu.”
^ Po o le “ae ia toʻafilemu; ae ia filemu.”
^ Ele., “i latou.”
