E ono faailoga tagata isi i ē e se o latou atunuu, lanu, po o gagana, faapea foʻi i ē e ese o latou talitonuga, ituaiga, po o tulaga ta tamaoaiga. O isi e faamasinoina tagata e fua i o latou tausaga, tulaga tau aʻoaʻoga, o maʻi tumau, po o foliga vaaia. Peitaʻi, e latou te manatu e lē o aafia i le faailoga tagata.

Pe e mafai ona maua oe i le faailoga tagata? O le toʻatele o i tatou, e faigofie ona iloa le faailoga tagata o isi, ae faigatā ona iloa lo tatou faailoga tagata. O le mea moni, e tatou te maua uma i le faailoga tagata. Ua faapea mai David Williams, o se polofesa e suʻesuʻe i mataupu tau i le va fealoaʻi ma amioga, pe a iai se vaaiga sesē i tagata e faatatau i se vaega ma feiloaʻi i se tasi mai i lenā vaega, “o le a ese le auala e latou te feutagaʻi ai ma lenā tagata, ma e latou te lē iloa na latou faia faapea.

O se faataʻitaʻiga, i se atunuu i le itu i saute i sasaʻe o Europa lea e nofo ai Jovica, o loo iai se vaega o tagata e inosia e le toʻatele. Na ia taʻutino, “Na ou manatu e leai se tasi i lenei vaega e mafai ona avea ma tagata lelei. Peitaʻi, ou te leʻi i loa ua ou faailoga tagata auā na ou manatu o le mea moni lea e faatatau iā i latou?”

E tele faigāmalo ua faia tulafono e tetee ai i le faailoga tagata. Peitaʻi, e lē o aveesea ai le faailoga tagata. Aiseā? Ona e na o gaoioiga a tagata e mafai ona taofia e na tulafono. E lē mafai e na tulafono ona pulea manatu ma faalogona o tagata, ma o le faailoga e māfua mai i le mafaufau ma le loto o se tasi. Afai o lea, pe e sii la se vaifofō o le faailoga tagata?