Batinyu mannira masqalu Kiristaanu ammaˈno malaate lawannonsa. Ninke Yihowa Farciˈraasine Kiristaana ikkinummorono, magansiˈrate masqala dihoroonsiˈneemmo. Mayira?

 Mittu korkaati, Yesuusi reyinohu masqalu aana ikkikkinni hossi yiino haqqi aana ikkinota Qullaawu Maxaafi kulanno daafiraati. Hakkiinni saeno, Maganu Qaali Kiristaana “Kaphu maganna magansiˈratewiinni xooqqe!” yaanno; konnira magansiˈrate masqala horoonsiˈra dihasiissannonke yaate.—1 Qorontoosi 10:14; 1 Yohaannisi 5:21.

 Yesuusi “Kiˈne kiˈneneewa baxantiniro, ane rosaano ikkitinoonnita mannu baalu tennenni egennannoˈne” yiinotano dea dihasiissannonke. (Yohaannisi 13:34, 35) Addanko, Yesuusi addu rosaanosi bande anfanni gede assannohu masqala woy wole aye misileno ikkitukkinni umisira roorsiˈrannokki baxille ikkinota rosiisino.