Ikkollana, batinyu manni albillitte halchanno gedee heeshsho heeˈrannota huluullamanno. Mayira yiniro, alamete aana Koroonu fayyanna woluno togoori hedeweelcho daye mannu heeshsho umo lekkicho soorrino, buxima naqino, hattono lowo manna shiino. Hakko daafira, batinyu manni albillitte teense heeˈneemmo yee dihedanno.

Mannu tenne huluullo giddo heeˈre, albillitte teese heeˈrate kaaˈlannonsare afiˈrate baasa sharramanni no. Mitu manni heeshshonke seekkitannoti kaayyote yee ammananno. Batinyu manni qole rosunna jiro hasiˈrinore afiˈrate kaaˈlitannonsaha lawannonsa daafira kuri seekke harunsanno. Wolootu kayinni, teense heeˈrate kaaˈlannohu qaru coyi dancha mancho ikka callate yite heddanno.

Kuri coyibba giddo halchattota dancha heeshsho heeˈrate kaaˈlannohehu nooha lawannohe? Tenne afate, hanni aante noo xaˈmuwa hiinci:

• Isi addinta heeshsho seekkannori maati?

• Teese heeˈrate kaaˈlannohu qaru coyi rosohonna jirote?

• Dancha mancho ikka albillitte teense heeˈnanni gede assitanno?

• Teese heeˈrate kaaˈlannoha addaxxinanni biddishsha afiˈra dandiineemmohu hiikkiinniiti?

Tini Agarooshshu Shae ittime kuri xaˈmuwara dawaro afiˈrate kaaˈlitannohe.