“Tongaso, zia e dö lege ti sarango ye ti nzoni e zia pëpe, ngbanga ti so tongana ngoi ni alingbi, e yeke ko ande lengo ni tongana e woko pëpe.”—aGalate 6:9, Mbeti ti Nzapa ti fini dunia.

 “A lingbi bê ti e anze pëpe na sarango kusala ti nzoni; teti na ngoi so alingbi, fade e fâ lengo ni ti nzoni, tongana bê ti e anze pëpe.”—aGalate 6:9, La Sainte Bible en Sango.

 Bazengele Paul a-encouragé aChrétien ti ngbâ ti sara ye so ayeke nzoni na lê ti Nzapa. Tongana e sara ni, e peut ti duti sûr so Nzapa ayeke futa e ande.

 ‘Zia e dö lege ni . . . e zia pëpe.’ A peut ti kiri na peko ti tënë so na “a lingbi bê ti e anze pëpe.” A peut nga ti kiri peko ni na ti découragé ape wala ti perdre ngia ape. So bazengele Paul azia terê ti lo na yâ ti tënë ni afa so na ambeni ngoi lo nga kue lo découragé.—aRomain 7:21-24.

 “Ye ti nzoni” aye ti sara tënë ti aye kue so aChrétien adoit ti sara na yâ ti kua ti Nzapa. Andu aye so mbeni zo ayeke sara ti aidé amba ti lo aChrétien nga na ambeni zo.—aGalate 6:10.

 “Tongana ngoi ni alingbi, e yeke ko ande lengo ni tongana e woko pëpe.” Paul adabe ti azo so lo sû mbeti na ala, gï tongana ti so zo ti fango yaka ayeke ku ti ko lengo ti kobe ti yaka ti lo; legeoko nga a yeke mû ngoi ti tene ala bâ ye ti peko ti anzoni ye so ala sara. So Paul asara kua na tënë ti kongo lê ti kobe, lo zia kamba na popo ti versê so na tâ tënë so asigi na yâ ti versê 7, so a tene: “Ye so mbeni zo ayeke lu, gï ni la lo yeke ko ni ande.” So ti tene, tongana mbeni Chrétien asara ye so ayeke nzoni na lê ti Nzapa, lo yeke wara kota futa na pekoni, so ayeke fini ti lakue lakue.—aRomain 2:6, 7; aGalate 6:8.

 Bazengele Paul asû lani lettre so na aChrétien so ayeke na Galatie na popo ti ngu 50-52. Lo ye ti bata aChrétien contre afango ye ti azo so atene ala yeke aChrétien, me so ala ba yâ ti tâ tënë na ndö ti Jésus (aGalate 1:6, 7). Awafango ye ti wataka so atene so aChrétien adoit ti sara ye alingbi na andia so Nzapa amû lani na azo ti Israël na lege ti Moïse (aGalate 2:15, 16). Paul afa so a sara ye lani alingbi na ndia so Nzapa amû na mara ti Israël awe nga so awakua ti Nzapa ayeke na gbe ti ndia ni so encore ape.—aRomain 10:4; aGalate 3:23-25.

 Na ngoi so Paul a-encouragé amba ti lo aChrétien ti ngbâ ti ‘sara ye ti nzoni,’ lo ye ti sara tënë ti batango ndia ti Moïse ape. A hon ti sara tongaso, lo encouragé ala ti ‘sara ye alingbi na ndia ti Christ,’ so andu ye kue so Jésus afa na ndö ti sarango nzoni na azo.—aGalate 6:2; Matthieu 7:12; Jean 13:34.

 Bâ nduru vidéo so ti bâ ambeni ye so ayeke na yâ ti mbeti ti aGalate.