Jésus amû yanga pëpe na adisciple ti lo ti dü molenge wala ti dü ape. Mbeni disciple ti Jésus oko asara nga tënë na ndö ti tënë so ape. Na yâ ti Bible, a yeke wara nga pëpe mbeni tënë so ake akode so ayeke kanga lege na zo ti dü. Na ndö ti tënë so, wango so ayeke na aRomain 14:12 so alingbi ti aidé e, a tene: “Zo oko oko na popo ti e ayeke kiri tënë ande na Nzapa ndali ti lo wani.”

 Tongaso, a yeke na koli na wali so asara mariage awe ti soro wala ala ye ti dü wala ala ye ti dü ape. Ala peut nga ti soro wungo ti amolenge so ala ye ti dü nga lawa la ala ye ti dü. Tongana mbeni koli na wali asoro ti sara kua na akode so akanga lege na ala ti dü sân ti tuku ngo, a yeke desizion ti ala wani. A lingbi mbeni zo akasa ala ndali ni ape.—aRomain 14:4, 10-13.