Bible atene polele so Nzapa la asara si e bâ pasi pëpe. Pasi ayeke pëpe na popo ti aye so Nzapa aleke lani na bê ti lo ndali ti azo. Me kozo koli na wali asara kpengba-li na komandema ti Nzapa, ala wani asigi na andia ti ala na ndö ti ye ti sioni na ye ti nzoni. Ala tourné peko ti ala na Nzapa na ala bâ pasi na pekoni.

 Laso, e yeke bâ pasi ndali ti ye so ala sara so. Me mbeni ye oko afa pëpe so na tongo ndani Nzapa aye si azo abâ pasi.

 Bible atene: “Tongana mbeni zo ayeke na yâ ti tara, zia lo tene pëpe: ‘Nzapa la si azia mbi na yâ ti tara so.’ Ndali ti so aye ti sioni alingbi ti zia Nzapa na tara pëpe na lo wani lo yeke tara bê ti mbeni zo na aye tongaso pëpe.” (Jacques 1:13). Azo kue apeut ti bâ pasi même azo ti Nzapa.