‘Mulungu anadzapukuta misozi yonsene m’maso mwawo. Kufa hakunadzakhalapo pontho tayu, nee kutsukwala, nee kulira, nee nyatwa, thangwi pya kale pyamala.’—Apokalipse 21:3, 4, Biblya Chisena.

Cinyindiro cakuti si Mulungu tayu anacitisa nyatwa zathu.—Tyago 1:13.

Cibalangazo thangwi yakudziwa kuti Mulungu asadziwa mabvero athu onsene tingathabuka.—Zakariya 2:8.

Cidikhiro cakuti nyatwa zonsene zinadzamala.—Masalmo 37:9-10.

Inde, pana mathangwi mawiri:

• Mulungu asaida nyatwa na kusowa ulungami. Onani kuti Yahova Mulungu apibva tani pikhathabuswa mbumba yace mu ndzidzi wa Bhibhlya. Bhibhlya isalonga kuti iye akhatsukwala thangwi ya “ale akhaathabusa mbaanyoza.”—Atongi 2:18, Biblya Chisena.

  Mulungu ali na mabvero akuwanga kakamwe thangwi ya ale anathabusa andzawo. Mwacitsandzo, Bhibhlya isalonga kuti “manja a anyachiropa” ndi akunyanyasa kwa iye.—Misangani 6:16, 17.

• Mulungu asatsalakana m’bodzi na m’bodzi wa ife. Si munthu basi tayu anadziwa nyatwa zace paekha, mbwenye Yahova asazidziwambo!—2 Pya dziko ya Israele 6:29, 30, Tradução do Novo Mundo.

Na Umambo wace, Yahova anadzamalisa nyatwa zinathabusa m’bodzi na m’bodzi wa ife. (Mateo 6:9, 10) Mu ndzidzi uno, mwakukoma ntima iye asabalangaza ale anansaka mwandimomwene.—Machitiro 17:27; 2 Akorinto 1:3, 4.