‘ईश्‍वर इंसाननि जे अखियुनि जा सभु आसूं उघी छॾींदो ऐं न मौत रहंदी, न मातम, न रोअण, न वरी को सूर रहंदो.’—प्रकटीकरण (प्रकाशितवाक्य) 21:3, 4.‏

असां खे यकीन थींदो त ईश्‍वर असां जे दुख तकलीफुनि लाइ ज़िम्मेदार न आहे.—याकूब (याकुब) 1:13.

असां खे राहत मिलंदी त ईश्‍वर असां जे सूरन खे समझे थो.—जकरयाह (जकर्याह) 2:8.

असां भरोसो रखी सघदांसी त सबु तकलीफूं ज़रुर खत्म थी वेंदियूं.—ज़बूर (भजन) 37:9-11.

हिन जे लाइ ॿिन वजहियुनि ते ध्यान ॾियो:

• ईश्‍वर दुख ऐं नाइंसाफीअ सां नफरत कंदो आहे. छो त शास्त्र में लिखियल आहे जॾहिं माण्हुनि जे मथां ज़ुल्म थींदो आहे त ईश्‍वर खे भी ॾाढी तकलीफ थींदी आहे.—रहिबर (न्यायियों) 2:18.

  जेके ॿियनि खे सताइंदा आहिनि, ईश्‍वर खे उहे माण्हू न वणंदा आहिनि. यहोवा ईश्‍वर ‘बेगुनाह जे रतु वहाइदंड’ वारनि खां सख्तु नफरत कंदो आहे.—चवणियूं (नीतिवचन) 6:16, 17.

• ईश्‍वर खे हर इंसान जी परवाह आहे. यहोवा ईश्‍वर खे खबर आहे त असांजे मथां छा गुज़री रहियो आहे, छो त ईश्‍वर हर इंसान जे दिल जी हालत खे ॼाणींदो आहे.—2 तवारीख (2 इतिहास) 6:29, 30.

  तमाम जल्दी यहोवा हिन धरती ते पंहिंजी हुकूमत आणींदो ऐं असां सभनी जा दुख दूर कंदो. (मत्ती 6:9, 10) जेसताईं उहो वक्‍त न थो अचे तेसताईं ईश्‍वर उन्हनि सभनी खे हिम्मथ ॾींदो, जेके सच्चे दिल सां ईश्‍वर खे ॼाणणु चाहिनि था.—शागिर्दन जा कम (प्रेषितों) 17:27; 2 कुरिन्थियों (कुरिंथियों) 1:3, 4.