“ILeza wa kwiiwulu katome mubuso usete ni ushinyiwe.”​—Danyele 2:44, Intoloko ya Cisi Cihya.

“Tuhelwe mwana wa muswisu; mi mubuso kaube he heta lyakwe.”​—Isaya 9:6; intaluso za kuunsi.

• Mubuso ulukite weete ni umituse inwe mubeene.​—Isaya 48:17, 18.

• Mucisi cihya cikezite, ka mube ni buhalo bupetahele ni intabo.​—Kuzikula 21:3, 4.

Eeni ca mabaka obele:

• Jesu abatondezi ceete ni upange Mubuso we iLeza. Jesu abaluti becilili baakwe kulapelela Mubuso we iLeza kuti wize, mi kucitwe kusuna kwe iLeza hanu hansi (Matewu 6:9, 10) hape ca tondeza mweete ni itabilwe iyo ntapelo.

  Haabena hanu hansi, Jesu aba fepi baba fwile inzala ni kuhoza balwele mane ni ku buusa ba fwile (Matewu 15:29-38; Johani 11:38-44) Jesu cakuba mubusi wa Mubuso we iLeza, Jesu abawambi ca bufuhi zeete upange Mubuso we iLeza kuba busiwa bawo.—Kuzikula 11:15.

• Miikalilo ya hansi itondeza kuti Mubuso we iLeza ciwiina hafuhi nikwiiza. Jesu abawambi kuti pili Mubuso we iLeza ni useni kuleta inkozo hanu hansi, mucisi kakube ni nkondo, inzala, ni nzikinyeho.​—Matewu 24:3, 7.

  Sunu tubweene iyo miikalilo. Tuwola kuba ni buniti bwa kuti hahanu Mubuso we iLeza kaumanise bukabo boonse.