“Iñolo lyoonse libañolwa ca kususumezwa ni luhuho lwe iLeza.”—2 Timoteya 3:16, New World Translation.

Ka muwaane inkalabo zeete zimituse ku mpuzo za butokwa za mu buhalo.​—Inguli 2:1-5.

Ka muwaane inketelelo yeete yimituse mu buhalo bweenu izuba ni zuba.​—Lisamu 119:105.

Ka mube ni insepo yikolete ya buhalo bwa kubusu.​—Baroma 15:4.

Eni, ca mabaka ootatwe:

• Ku zuminzana kwe indaba zi ñoletwe mwateni ku komokisa. IBibele ibañolwa mu zilimo zi hitilila 1,600 mi ibañolwa bantu ba cincene-cincene beena 40. Bungi bwaabo kana baba lizi. Kono indaba zi ñoletwe mweeyo imbuka zi zuminzana, mi ziwamba indaba yimwiina inkaando!

• Bañoli baayo babali ku sepahala. Bañoli bee indaba zakale za cisi kana babali ku ñolanga mafosisa abantu babali ku wambwa mu ndaba zaabo. Kono ca kushutana, bañoli bee iBibele babali kuñola mafosisa aabo ni abantu babali kuhala munako zaabo.—2 Bakolonika 36:15, 16; Lisamu 51:1-4.

• Bupolofita boonse bwi zuzilizwanga. IBibele iba polofiti za kusinyiwa kwa muleneñi wakale wa Babbilona zilimo ziina 200 pili ni kuseeni ku pangahala bulyo. (Isaya 13:17-22) Iba patululi mweete nuuba sinyezwa muleneñi wa Babbilona ni simwiine yeete naaba eteleli mu kusinya muleneñi uwo!​—Isaya 45:1-3.

  Bungi bwa bupolofita bwa mwi iBibele bu wamba zimwi zintu zinini naabo bube zuzilikizwa. Kana ico kanji cona cituwola ku lindila ku zwililila mu Liinzwi lye iLeza?​—2 Pitorosi 1:21.