Famör ma‘oi toak ‘e la‘ se ‘oris rotu ‘e reko iris tokana la pō furmariạ fak‘at. Ka ‘e rēko tese tä nonoj la ‘äe la la‘ se taunȧ‘ fak‘at ne Uetnes ‘on Jihova? Ka tes ta ‘äe la räe ‘e täe?

‘Äe la räe se ririfa ‘e ‘ou tēag ‘esea ma famör ne hạihanisiag aire. ‘E senjuri mumue ta, lelea‘ rot fak Karisto fūfū‘ȧk fak kạurotuạg, ma iris tạunȧ‘ la titi‘ạkia ‘Ạitu, sạkiroa ut ne Puku ma fäeag a‘ne‘ne‘ạkia le‘et se le‘et. (Hiperiu 10:24,25) ‘E ‘oris pōag ne hanisi iris aier‘ȧk ne iris tētē ag‘esea ma kạumane‘ag aire, ‘oris hensạsiag fak‘ata. (2 Tesalonaika 1:3; 3 Jone 14) ‘Ạmis pō ririfa ‘e ‘otomis tạupir se mạl het ne hensạsiạg rot fak Karisto ‘e ‘on mumua kel‘ȧk vȧh.

‘On ‘es‘ao ne rak ma garue‘ȧk ne muạ‘ạkiag ne Puk Ha‘a. Fak ma se tē ne fȧ‘ ‘e Puk Ha‘a, fā, hạina, ma lä‘riri‘i tạunȧ‘ ag‘esea. Iris ne potsusun se rak‘ȧk tē ‘es‘ao‘ạkia Puk Ha‘a la hạiasoagan ‘ạmis la rē puer lelei ma garue‘ạkia tē ne ‘ạmis rako, ‘e ‘otomis mạuri ‘e te‘ ne terạni. (Nā Hoi‘ạkiag Ne Foho 31:12; Nehemaia 8:8) ‘Ạmis ‘atakoa pō la ‘es väeag ‘e hạifäegaga ma suạ maka, ne kel‘ạkia ‘otomis ‘ạiröt‘ạkiag fak Karisto.​—Hiperiu 10:23.

Ạlạlum‘ạkiget ne ‘ou mā se ‘Ạitu pō ma a‘ne‘ne‘ȧk. ‘Apostol ta Paula ‘ea se ta kạurotuget ‘e ‘on ava: “Gou hea‘ ma kikia la gou la kel se ‘ạusa, . . . la gou la a‘sokoaf se ‘ausa ta tē fakkeres la gou la pō fürmariag ‘esea ma ‘ạus, gou ‘e rēko ‘omus pilifi, ka ‘ạus ‘e rēko ‘otou pilifi.” (Roma 1:11, 12) ‘Otomis tētē ag‘esea hạisokoag ma hensạsiag fak‘ata ‘e tạutạunạ‘i, a‘ne‘ne‘ia ‘otomis mā la fe‘ēn la pō la mäur‘ȧk ag fak Karisto.

Ka tē ka ‘äe la ‘oaf la tạria ‘ih tē te‘ ma leum se tạunạ‘i te tē a‘ hete‘ la kel ma a‘fại? ‘Ạmis la tȧr a‘lelei ‘äe. Kat sur tög ra se tạunạ‘i​—kat tȧr‘ȧk ‘umef ra.

• Ka mạl tese ta tạunȧ‘ ne kạurotuga tạupiria?

• Ka tes ta ‘on ‘es‘ao se ‘otomis la leum se tạunȧ‘ fak‘ata?