Сар тэ сыкавас любовь каринг авэр мануша
Амэ всаворэ жылям лэ пэрвонэ манушэстар, лэ Адамостар. Вижал, амэ всаворэ ек ери. Обычно, андо ери всаворэ любин ек еқэс и стон патив. Но адес амэ диқас, кай андэ люма вся па аврятэ. О Создателё камэлас важ амэндэ совсем авэр жызня.
СО ԤЭНЭНПЭ АНДЭ СВЫНТО ПИСАНИЯ
«Любисар аврэн, сар пэс» (ЛЕВИТ 19:18).
«На парашэн тэ любин пэстирэ вороӷонэн» (МАТФЕЯ 5:44).
СО КАДА ТЭ ЛЮБИС
Шу сама, сар о Дэл росԥэнэн пала любовь андэ 1 Коринфянам 13:4—7.
«И любовь ӷанэн тэ тэрпий и вой добро».
Погиндосар. Со тутэ по ди, кала авэр на грабинпэ тэ холявэн пэр тутэ, драго обжанпэ туса и на вижан андар пэстэ, если ту стердян варисо най кадя?
«И любовь нэ завидует».
Погиндосар. Со тутэ по ди, кала авэр на допатян тути или завидуют тути?
И любовь «на родэл пэско».
Погиндосар. Со тутэ по ди, кала авэр стон патив пэ кода, сар ту гиндос, и на тердён пэ пэско?
И любовь «на адиной и ошыбки».
Погиндосар. Амаро Создателё анда вся оди простий кодэлэн, ко па чачимастэ каийпэ. Пала лэстэ ԥэнэнпэ, кай во «най вся и время лэла тэ родэл дош, най вся и вечность лэла тэ холявэл» (Псалом 103:9). Амэнди куч, кала амэн простий кодэва, каса амэ найдраго обжылямпэ. Важ када и амэ трэбуй анда вся оди тэ простисарас кодэлэн, ко найдраго обжалпэ амэнца (Псалом 86:5).
И любовь «на лошавэл лэ найлашимасти».
Погиндосар. Кала амэндэ терэлпэ варисо найдраго, амэнди на чалёл, если варико кадэлэсти радуийпэ. Важ када и амэнди на трэбуй тэ радосавас, кала аврэндэ тердяпэ бида, дажэ если вонэ найдраго амэнца обжанаспэ.
Кай тэ радосарас лэ Дэвлэс, амэнди трэбуй тэ любисарас всаворэ манушэн и тэ жувас па принцыпоря, пала савэ амэ дям дума. Сар инке амэ можэм пэ дила тэ сыкавас, кай любисарас аврэн? Тэ поможысарас кодэлэнди, касти трэбуй амари помощь.