БИБЛИЯ, КАДА НАЙ КНИЖКА, АНДЭ САВИ РОСԤЭНЭНПЭ ПАЛА НАУКА. НО АНДЭР ЛАТЭ ИНКЕ ДЭЛМУТ ԤЭНДО, СО И МАНУША ИНКЕ НА ӶАНЭНАС. АКЭ, ПАЛА СО УӶАНАСА.

Кай и люма сас начало?

Найдэлмут и учёни мануша всаворэ, сар ек, ԥэнэнас «най». Акана вонэ ԥэнэн, кай ла люматэ сас начало. Но пала када андэ Библия инке дэлмут сас ԥэндо (Бытие 1:1).

Сави сас и ԥув?

Дэлмут и мануша гиндонас, кай и ԥув ровно. Андо панчто вико жы кай И. Х. гречески учёни гиндонас, кай вой, сар о шаро. Но инке дэлмут жы кай кодэя время, андэ восьмо вико жы кай И. Х. о пророко Исаия акэ, со пистросардя андэ Библия пала ԥув. Во пистросардя еврейско алав, саво сыкавэл, кай и ԥув, сар о «круго» или о «шаро» (Исаия 40:22).

Может о нэбо тэ на авэл?

Греческо учёно, савэс ақарэнас Аристотелё, саво жувэлас андо штарто вико жы кай И. Х. ԥэнэнас, кай о нэбо, най сар и ԥув. О нэбо никала на парудёлапэ и на прожала. Кадя гиндонас виконэнца. Но андо девятнадцато вико и учёни ԥэндэ, кай о нэбо, кадяжэ, сар и ԥув, может времяса тэ на авэл. Английско учёно, савэс ақарэнас Кельвино, гиндояс кадяжэ, сар кадэла учёни и росԥэнэнас пала када аврэнди. Но во шутя сама, со ԥэнэнаспэ андэ Библия пала нэбо и ԥув. Котэ ԥэнэнаспэ: «Сар йда, вонэ сԥирадёна» (Псалом 102:25, 26). О Кельвино патялас, кай о Дэл может тэ на домэкэл, кай тэ парудёлпэ и тэ прожал кода, со во стердя. Када ԥэнэнпэ андэ Библия (Экклезиаст 1:4).

Со ритярэл и планеты пэ пэстирэ ҭана?

О Аристотелё гиндояс, кай кода, со исин андо нэбо, ритярдён по хрусталё, саво жал ек пала ек, ай андо машкар исин и ԥув. Каринг о восемнадцато вико, и учёни полинэ, кай и звёзды и планеты на ритярдён ни пэр со. Но андо пятнадцато вико жы кай И. Х. андэ книга, сави пистросардя о Иово ԥэнэнаспэ, кай кодэва, ко вся создал «Амбладя и ԥув ни пэр со» (Иов 26:7).

И БИБЛИЯ, КАДА НАЙ КНИГА, АНДЭ САВИ ԤЭНЭНПЭ, САР ТЭ ФЭРИС ПЭСКО ЗОР. НО АНДЭР ЛАТЭ ԤЭНЭНПЭ, СО СЖАЛПЭ КОДЭЛЭСА, САР О МАНУШ ТЭ ФЭРИЙ ПЭСКО ЗОР АНДЭ АМАРЭ ДЕСА.

Кала лэстэ о насвалимос, саво пэрэжал, во трэбуй тэ жувэл аврэтэ

Сар ԥэнэнаспэ андэ лэ Моисеёско законо, манушэн, савэнго насвалимос пэрэжал аврэндэ, трэбуй сас тэ жувэн аврэтэ. Васо? Кай во тэ на пэрэжал кай и мануша, савэндэ нинай кацаво насвалимос. Но и врачоря линэ тэ фэрин о зор кадя, кати тоди, сар прожылэ и викоря. Васо? Важ кода кай бут мануша, кала на фэринас кадя пэско зор, мулинэ. Кала о мануш и адес кадяжэ фэрий пэско зор, када драго поможый (Левит, 13 и 14 глава).

Тэ вихаладёл, кала ляпэ кай о муло

Сар прожалас о девятнадцато вико, о врачо после кода, сар росшынэлас лэ мулэс андэ больница, на вихалавэлас и вас и жалас тэ терэл операция. Важ када лэ насвалимастар, саво пэрэдэласпэ, мэрэнас бут мануша. Но андэ лэ Моисеёско законо ԥэнэнаспэ, кай кодэва, ко ляпэ кай о муло, ашэлас найвужо англа Дэл. Кай тэ авэл вужо, кадэва мануш трэбуй сас тэ вихаладёл андо паи. Кода, со ԥэнэнас о Дэл, фэрияс лэн лэ насвалимастар (Числа 19:11, 19).

Тэ заӷанавэн о мусоро и кода, кала прожанпэ важ пэстэ

Кажно бэрш миллионоря бэятцэ отравинпэ и через када лэндэ дуқал о ило. Кадэлэ насвалимастар вонэ могут тэ мэрэн. Кадэва насвалимос лэлпэ, важ кода кай на заӷанавэн о мусоро и кода, кала прожанпэ важ пэстэ. Андэ лэ Моисеёско законо ԥэнэнаспэ, кала о мануш прожалпэ важ пэстэ, када трэбуй тэ заӷанавэн май дур кодэлэ ҭанэстар, кай жувэн и мануша (Второзаконие 23:13).

Тэ полэл пала обрезания

Сар ԥэнэнпэ андэ лэ Дэвлэско Законо, кала арақадёнаспэ шаворэ, лэнди трэбуй сас тэ терэн обрезания пэ восьмо дес (Левит 12:3). Кай и бэятцэ, савэ кати авелэ пэ люма, лэндэ ӷусто рат. И о рат ашэл кацаво, саво трэбуй, кати после пэрво курко. И обрезания терэнас кати пэ восьмо дес. Када фэрияс лэ бэятонэнго зор, важ кода кай андэ кодэя время и врачоря фартэ на ӷанэнас, сар када тэ терэн.

Тэ авэл драго по ди и тэ авэл зор

Андэ амари время и врачоря полинэ, кала кай о мануш драго по ди, кадэлэстар лэстэ ашэл лашо зор. Состар лэсти драго по ди? Кай во радостно, аштярэл лашимос, камэл тэ простий и благодарно. Андэ Библия ԥэнэнпэ: «Кала андо ди радость тоди, сар лэ драбэндар фэдэр, ай кала дуқал оди, вишутён и кокаля» (Притчи 17:22).