Bute manushenge, kana dikhen o trushul den po gor ke godo manush si kristiano. Makar le marturia le Jehovaske sam kristianuria, chi ningeras o trushul ai chi luvudis les. Sostar?

 Pervo, e Biblia chi sikavel ke o Jesus mulo po trushul, sikavel ke mulo pe iek kash. Vi sikadias ke le kristianuria: “Nashen katar le dela chorhe” ai te avela ningeras o trushul te luvudis le Devles si sar te luvudis ka le dela jojamne (1 Korintiana 10:14; 1 Iovano 5:21).

 Duito, o Jesus vi sikadias sar te den po gor save si leske chache kristianuria kana phendias: “Gadia savorhe zhanena ke tumen san murhe disipluria: te kamena tumen iek avres” (Juan 13:34, 35, La Biblia. Traducción del Nuevo Mundo). Pala godia, das po gor kon si iek kristiano chacho na pala iek trushul vai aver prama, numa sostar si les iek kamlimos chacho karing le manush.