“O Del lela le asua katar amare iakha, ai chi mai avela martia, ai nai nekazo, ai chi mai roven, ai ma nai dukh” (Sicharimos [Apokalipsos] 21:3, 4, E Lashi Viasta).

Zhanas chachimasa ke o Del chi kerel amenge khanchi nasul (Iakov 1:13).

Del amen pacha ando ilo ke o Del aliarel sa amare dukha (Zacarías 2:8).

Azhukeras ilesa, ke mai angle khanchi chi si te kerel amenge te avas po kino (Psalmo 37:9-11).

Ei, akana ferdi phenas dui:

• Angla le iakha le Devleske o kino ai so nai vorta si desia zhungalo. Sar aliardiape o Jehova kana kinuisarde desia zurales peske foros de dumut? E Biblia phenel ke dukhalas les kana dikhelas sar pesko foro kinuilas anda le vast katar aver foruria (Jueces 2:18).

  Le Devleske nai drago kana le manush den po kino avren zhenen. E Vorba le Devleski phenel ke leske nai drago kana varekon mundarel avres (Proverbios 6:16, 17).

• Le Devles si leske pala suako manush. Shai te gindis ke numa tu zhanes kiri dukh ai kiro nekazo, numa vi o Jehova zhanel sar aliares tu (2 Crónicas 6:29, 30).

  Ande tsirha vriama, mashkar peski Amperetsia o Del si te ankalavel o kino katar suako manush (Mate 6:9, 10). Zhi kai aresela godo gies, del pacha ai arakhel ulimasa sa godolen manushen kai roden les chachimasa (Le Apostolengo 17:27; Filipiana 4:7).